"Azərbaycan Beynəlxalq Bankı" ASC (ABB) Özbəkistanda alacağı "Davr Bank” 2025-ci ili 566 milyard 319 milyon 511 min Özbək somu (80 milyon 417 min AZN) xalis mənfəətlə başa vurub. 2024-cü ildə bankın xalis mənfəəti 366 milyard 860 milyon 743 min Özbək somu (52 milyon 94 min AZN) olmuşdu. Beləliklə, “Davr Bank”ın xalis mənfəəti illik müqayisədə 199 milyard 458 milyon 768 min Özbək somu (28 milyon 323 min AZN) və ya 54,4% artıb.

Marja.az “Davr Bank”ın 2025-ci il üzrə audit olunmuş maliyyə hesabatına istinadən xəbər verir ki, Bankın vergidən əvvəlki mənfəəti 650 milyard 96 milyon 629 min Özbək somuna (92 milyon 314 min AZN) yüksəlib. Bu, 2024-cü illə müqayisədə 226 milyard 888 milyon 643 min Özbək somu (32 milyon 218 min AZN) və ya 53,6% çoxdur.

2025-ci ildə “Davr Bank”ın xalis faiz gəlirləri də əhəmiyyətli artım göstərib. Bankın xalis faiz gəliri 1 trilyon 32 milyard 85 milyon 526 min Özbək somu (146 milyon 556 min AZN) təşkil edib. Bir il əvvəl bu göstərici 759 milyard 573 milyon 192 min Özbək somu (107 milyon 859 min AZN) idi. Beləliklə, xalis faiz gəliri 272 milyard 512 milyon 334 min Özbək somu (38 milyon 697 min AZN) və ya 35,9% artıb.

Bankın komissiya gəlirləri 2025-ci ildə 292 milyard 834 milyon 17 min Özbək somuna (41 milyon 582 min AZN) çatıb. Bu göstərici 2024-cü illə müqayisədə 112 milyard 659 milyon 649 min Özbək somu (15 milyon 998 min AZN) və ya 62,5% çoxdur. Komissiya xərcləri çıxıldıqdan sonra bankın xalis komissiya gəliri 123 milyard 334 milyon 340 min Özbək somu (17 milyon 513 min AZN) təşkil edib.

Bankın aktivləri 31 dekabr 2025-ci il tarixinə 12 trilyon 110 milyard 658 milyon 270 min Özbək somuna (1 milyard 719 milyon 713 min AZN) yüksəlib. 2024-cü ilin sonunda aktivlər 9 trilyon 234 milyard 46 milyon 135 min Özbək somu (1 milyard 311 milyon 235 min AZN) idi. Aktivlər illik müqayisədə 2 trilyon 876 milyard 612 milyon 135 min Özbək somu (408 milyon 479 min AZN) və ya 31,2% artıb.

Müştərilərə verilmiş kreditlər və avanslar 8 trilyon 754 milyard 704 milyon 844 min Özbək somuna (1 milyard 243 milyon 168 min AZN) çatıb. Bu göstərici bir il əvvəl 6 trilyon 984 milyard 699 milyon 588 min Özbək somu (991 milyon 827 min AZN) təşkil edirdi. Kredit portfeli 1 trilyon 770 milyard 5 milyon 256 min Özbək somu (251 milyon 341 min AZN) və ya 25,3% böyüyüb.

Bankın investisiya maliyyə aktivləri 1 trilyon 927 milyard 896 milyon 769 min Özbək somu (273 milyon 761 min AZN) olub ki, bu da 2024-cü illə müqayisədə 45,1% artım deməkdir. Pul vəsaitləri və onların ekvivalentləri isə 823 milyard 602 milyon 774 min Özbək somuna (116 milyon 952 min AZN) çatıb və illik müqayisədə 43,7% artıb.

“Davr Bank”ın cəmi öhdəlikləri 10 trilyon 188 milyard 266 milyon 738 min Özbək somuna (1 milyard 446 milyon 734 min AZN) yüksəlib. Müştəri vəsaitləri 5 trilyon 85 milyard 916 milyon 550 min Özbək somu (722 milyon 200 min AZN) təşkil edib. Bu göstərici illik müqayisədə 1 trilyon 270 milyard 485 milyon 964 min Özbək somu (180 milyon 409 min AZN) və ya 33,3% artıb.

Bankın digər borc vəsaitləri 4 trilyon 387 milyard 884 milyon 424 min Özbək somuna (623 milyon 80 min AZN), subordinasiya kreditləri isə 575 milyard 684 milyon 971 min Özbək somuna (81 milyon 747 min AZN) çatıb.

İş elanları AzVak.az-da

2025-ci ilin sonunda “Davr Bank”ın kapitalı 1 trilyon 922 milyard 391 milyon 532 min Özbək somu (272 milyon 980 min AZN) olub. 2024-cü ilin sonunda bu göstərici 1 trilyon 264 milyard 32 milyon 805 min Özbək somu (179 milyon 493 min AZN) idi. Bankın kapitalı illik müqayisədə 658 milyard 358 milyon 727 min Özbək somu (93 milyon 487 min AZN) və ya 52,1% artıb.

“Davr Bank”ın 2025-ci il nəticələri bankın həm aktiv bazasında, həm də gəlirlilik göstəricilərində güclü artım nümayiş etdirdiyini göstərir. Xalis mənfəətin 54,4% artması, aktivlərin 31,2%-lik artım tempini üstələyir. Bu isə bankın böyüməsinin yalnız balans həcmi hesabına deyil, həm də gəlirliliyin yaxşılaşması hesabına baş verdiyini göstərir.

Kredit portfelinin 25,3% artması bankın əsas gəlir mənbəyinin genişləndiyini göstərir. Eyni zamanda müştəri vəsaitlərinin 33,3% artması bankın resurs bazasının gücləndiyini göstərən mühüm siqnaldır. Müştəri vəsaitlərinin kredit portfelinə nisbəti 2024-cü ildə 54,6% olduğu halda, 2025-ci ildə 58,1%-ə yüksəlib.

Kapitalın aktivlərə nisbəti də yaxşılaşıb. Bu göstərici 2024-cü ilin sonunda 13,7% olduğu halda, 2025-ci ilin sonunda 15,9%-ə yüksəlib. Bu, bankın kapital mövqeyinin gücləndiyini göstərir.

Bununla yanaşı, inzibati və digər əməliyyat xərcləri 416 milyard 251 milyon 538 min Özbək somuna (59 milyon 108 min AZN) çataraq illik müqayisədə 30,3% artıb. Kredit zərərləri üzrə yaradılmış ehtiyatlar isə 107 milyard 739 milyon 101 min Özbək somu (15 milyon 299 min AZN) təşkil edib. Kredit portfelinin sürətli böyüməsi fonunda aktiv keyfiyyətinin qorunması bank üçün əsas nəzarət istiqamətlərindən biri olaraq qalır.

Qeyd: AZN məbləğləri 100 Özbək somu = 0.0142 AZN məzənnəsi əsasında hesablanıb və yuvarlaqlaşdırılıb.

Hər gün yeni vakansiyalar - AzVak.az-da

Özbəkistanın "Davr Bank"ının səhmlərinin 51 %-ni alacaq Azərbaycan Beynəlxalq Bankı" ASC--nin (ABB) 2026-cı ilin II yarısında bu ölkədə fəaliyyətə başlayacağı gözlənilir. ABB-nin İdarə Heyətinin sədri Abbas İbrahimov bildirmişdi.

"Özbəkistan bazarında özəl bankın nəzarət səhm paketinin əldə edilməsi məsələsi ilə bağlı danışıqlarımız müsbət yekunlaşıb. ​Ümid edirik ki, icazə və rəsmiləşdirmə proseslərini sürətlə bitirəcəyik, ölkəmizin beynəlxalq bank brendi olan ABB Özbəkistanda "ABB Davr Bank" adı ilə təmsil olunmağa başlayacaq. Bunun üçün həm Azərbaycanın tənzimləyici orqanlarının, həm də Özbəkistan Mərkəzi Bankının müsbət rəyləri alınmalıdır".