Kafel, metlax, hamam mebeli və aksessuarlarının satışı ilə məşğul olan "NeoClass" MMC lüks məhsulların satıı ilə məşğul olan "Collezione İtalia” MMC-yə qoşulub.

Marja xəbər verir ki, "NeoClass" MMC  və  "Collezione İtalia” MMC-nin ümumi yığıncaqları keçirilib.

“20” Noyabr 2020-ci il tarixli "NeoClass" MMC  Ümumi Yığıncağının Qərarında bildirilir:

1."NeoClass" MMC  "Collezione İtalia” MMC-yə qoşulsun,

 2. Qoşulma dövlət qeydiyyatına alındığı tarixdən, "NeoClass" MMC  fəaliyyətinə xitam verilərək (ləğv edilərək) təhvil aktı üzrə bütün hüquq və vəzifələri "Collezione İtalia” MMC -yə keçsin,

3. Qoşulma barədə mətbuatda elan dərc edilsin və "NeoClass" MMC  dövlət qeydiyyatından (vergi uçotundan) çıxarılması haqqında ərizə müvafiq orqana göndərilsin,

4. "NeoClass" MMC-nin rəhbəri tutduğu vəzifədən azad olunsun,

5. "NeoClass" MMC-nin   hüquq və vəzifələrinin "Collezione İtalia” MMC -yə verilməsinə dair təhvil aktı tərtib edilərək təsdiq edilsin.

Təsisçisi Vahabov Azər Vəkil oğlu olan "Collezione İtalia” MMC-nin Ümumi Yığıncağının Qərarında isə bildirilir:

1. "Collezione İtalia” MMC "NeoClass" MMC -nin ona qoşulması nəticəsində yenidən təşkil olunsun,

2. Qoşulma ilə əlaqədar "NeoClass" MMC -nin bütün hüquq və vəzifələri təhvil aktı üzrə "Collezione İtalia” MMC keçsin,

3. Yenidən təşkil nəticəsində "Collezione İtalia” MMC nizamnamə kapitalı, təsisçiləri və onların nizamnamə kapitalındakı payları aşağıdakı kimi müəyyən edilsin:

Nizamnamə kapitalı 110 manat həcmindədir və hər biri 10.00 manat olan 11 paydan ibarətdir.

-Təsisçi : Vahabov Azər Vəkil oğlu 100,00 manat, 10 pay, 90.90 faiz, pul şəklində

-Təsisçi: Məmmədov Kamandar Əlimərdan oğlu 10 manat, 1 pay, 9.1 faiz, pul şəklində

4. "Collezione İtalia” MMC yenidən təşkili ilə bağlı mətbuatda elan dərc edilsin və təhvil aktı tərtib edilərək təsdiq edilsin.

5. "Collezione İtalia” MMC yenidən təşkili ilə əlaqədar nizamnaməsi təsdiq edilsin.

6. Dövlət qeydiyyatı məlumatlarında baş vermiş dəyişikliklərin dövlət qeydiyyatına alınması üçün müraciət etmək, sənədləri qeydiyyat orqanına təqdim etmək, dəyişiklikləri əks etdirən hazır sənədləri və o cümlədən, özündə bütün reyestr məlumatlarını əks etdirən dövlət reyestrindən çıxarışın və digər hazır sənədləri təhvil almaq səlahiyyəti "Collezione İtalia” MMC -nin qanuni təmsilçisi Məmmədov Xəzər Əlimərdan oğluna həvalə edilsin.

Qeyd edək ki, artıq bir müddətdir Bakıda Azadlıq pr. 68 ünvanıda fəaliyyət göstərmiş "NeoClass" mağazası yeni ünvanda -  Collezione Italia-da fəaliyyət göstərir.

"Collezione Italia" böyük premium mebel və aksesuarların multibrend şourumudur.