Banklar tərəfindən nağd xarici valyutanın alqı-satqısı kəskin azalıb

Banklar tərəfindən nağd xarici valyutanın alqı-satqısı kəskin azalıb

Banklar tərəfindən nağd xarici valyutanın alqı-satqısı kəskin azalıb

2021-ci ilin 9 ayında nağdsız valyuta bazarında aparılmış əməliyyatların həcmi ötən ilin müvafiq dövrünə nəzərən 1.6% artaraq 19.2 mlrd. ABŞ dolları ekvivalentində olmuşdur.

VTB-də minimal faiz dərəcəsi ilə nağd kredit 9.9%-dən

Marja xəbər verir ki, bu, 2021-ci ilin yanvar-sentyabr ayları üzrə Pul Siyasəti icmalında bildirilib.

Qeyd edilib ki, nağdsız valyuta əməliyyatlarının 85.9%-i ABŞ dollarında, 14.1%-i isə digər valyutalarda aparılmışdır. Valyuta əməliyyatlarının 28.7%-i banklararası valyuta bazarında (BVB), 71.3%-i isə bankdaxili valyuta bazarında (BDVB) həyata keçirilmişdir.

Dövr ərzində BVB-də əməliyyatların 99.3%-i ABŞ dollarında, 0.7%-i avroda aparılmışdır. BVB-də valyuta əməliyyatları üzrə dövriyyə əsasən “Bloomberg” platformasında aparılan əməliyyatlar hesabına formalaşmışdır.

BDVB-də valyuta əməliyyatlarının həcmi 13.7 mlrd. dollar ekvivalentində olmuşdur ki, bunun da 80.5%-ni ABŞ dolları ilə əməliyyatlar təşkil etmişdir. BDVB-də valyuta əməliyyatlarının 94.9%-i hüquqi şəxslərlə aparılan valyuta əməliyyatlarının payına düşmüşdür.

Banklar tərəfindən nağd xarici valyutanın alqı-satqısı üzrə aparılmış əməliyyatların həcmi ötən ilin müvafiq dövrünə nəzərən 35.4% azalaraq 2.7 mlrd. ABŞ dolları ekvivalentində olmuşdur. Bunun 85.2%-ni ABŞ dolları ilə aparılmış əməliyyatlar təşkil etmişdir. Nağd valyuta bazarında son 6 ayda bankların valyuta alışı satışları üstələmişdir.