"ABŞ və Avropanın Ukraynada etdiklərini Rusiya İranda edir"

"ABŞ və Avropanın Ukraynada etdiklərini Rusiya İranda edir"

İddialara görə, Rusiya İrana peyk görüntüləri və inkişaf etmiş pilotsuz uçuş aparatı (PUA/İHA) texnologiyası verir.

"ABŞ və Avropanın Ukraynada etdiklərini Rusiya İranda edir"

Wall Street Journal (WSJ) qəzetinin mövzu ilə bağlı məlumatlı mənbələrə istinadən verdiyi xəbərə görə, Rusiya İran ilə kəşfiyyat məlumatlarının paylaşımını və hərbi əməkdaşlığı genişləndirir. İddiaya görə, Rusiya İrana hücum qabiliyyətini artırmaq məqsədilə peyk görüntüləri və inkişaf etmiş PUA texnologiyası verir.

Mənbələr bildirir ki, Rusiya həmçinin “Shahed” tipli İran istehsalı PUA-ların mühüm hissələrini də İrana təmin edib. Bu yolla İranın kommunikasiya, naviqasiya və hədəf təyini imkanlarının artırılması hədəflənir.

VTB-də minimal faiz dərəcəsi ilə nağd kredit 9.9%-dən

Əlavə olaraq, Rusiya Ukraynada əldə etdiyi əməliyyat təcrübəsini İrana ötürüb. Yüksək vəzifəli bir Avropa kəşfiyyat rəsmisi iddia edib ki, Rusiya əməliyyatlarda neçə ədəd pilotsuz uçuş aparatının istifadə olunacağı və hansı hündürlükdən zərbə endiriləcəyi barədə İrana taktiki məlumat verib.

Bundan əlavə, Rusiyanın İrana Orta Şərqdakı ABŞ hərbi qüvvələrinin mövqeləri ilə bağlı kəşfiyyat məlumatlarını verdiyi idiia olunur.

Ukraynada ABŞ və Avropanın roluna cavab

İki ölkə arasındakı əməkdaşlığın son dövrlərdə daha da dərinləşdiyi, Rusiyanın İrana birbaşa peyk görüntüləri verdiyi qeyd olunur. Rusiyanın bu kəşfiyyat məlumatları İrana bölgədəki ABŞ radar sistemlərinə qarşı son hücumlarında həlledici rol oynayıb.

Analitiklər bildirir ki, bu dəstək ABŞ və Avropa müttəfiqlərinin son illərdə Ukraynaya verdiyi kəşfiyyata bənzəyir.

Bu taktika ilə İranın ABŞ və Körfəz ölkələrinə aid hərbi hədəflərə qarşı hücumlarının uğur nisbəti artıb.

Rusiyanın bu addımları İrana ABŞ və İsrail qarşısında müqavimətini artırmaq, bu qarşıdurma mühitindən hərbi və iqtisadi fayda əldə etmək və Moskva rəhbərliyinin bu vəziyyəti davam etdirmək istədiyini göstərir.

İş elanları AzVak.az-da

18.03.2026 15:04