Xəzər sahilində torpaq idarəçiliyi bir quruma həvalə edildi – Prezident fərman imzaladı
Xəzərin sahilboyu torpaqlarının idarə edilməsi Əmlak Məsələləri Dövlət Xidmətinə həvalə olundu. Xəzər sahilinin sərhədləri altı ay ərzində təsdiqlənəcək – xüsusi status üçün təkliflər hazırlanır. Xəzər sahilində torpaq icarəsi elektron sistem üzərindən aparılacaq. Xəzər sahilində torpaqların qanunsuz zəbtinə qarşı məsuliyyətin gücləndirilməsi üzrə layihələr hazırlanacaq. Xəzər sahilinə nəzarəti Əmlak Məsələləri Dövlət Xidməti əlaqələndirəcək – 40 yeni ştat vahidiPrezident İlham Əliyev Xəzər dənizinin Azərbaycana mənsub bölməsinin sahilboyu ərazilərində dövlət idarəetməsinin təkmilləşdirilməsi haqqında fərman imzalayıb.
Marja.az dərc olunan 16 noyabr 2026-cı il tarixli fərmana istinadən xəbər verir ki, sahilboyu torpaqların idarə olunması, istifadəsi və mühafizəsi üzrə vahid dövlət siyasətini İqtisadiyyat Nazirliyi yanında Əmlak Məsələləri Dövlət Xidməti həyata keçirəcək.
Sahildə idarəetmə və nəzarətdə iştirak edən dövlət qurumlarının fəaliyyətini də Xidmət əlaqələndirəcək. Bunun üçün Xidmətin işçi sayı həddi 40 ştat vahidi artırılır.
Yeni idarəetmə qaydasının əhatə dairəsindən adalar, məskunlaşdırılmış və məskunlaşdırılması nəzərdə tutulan ərazilər, sənaye, energetika, liman, müdafiə və sərhəd mühafizəsi məqsədilə istifadə olunan ərazilər, eləcə də normativ hüquqi aktlarla müəyyən edilmiş digər xüsusi statuslu ərazilər istisna edilir.
Sahil ərazisinin sərhədləri altı ay ərzində təsdiqlənəcək
Nazirlər Kabineti altı ay ərzində su səthinin quru ilə təmas xəttinin mövcud vəziyyətini, sahilboyu ərazinin sərhədlərini və ölçülərini, habelə onun kağız və rəqəmsal formada qrafik təsvirini Prezidentlə razılaşdırmaqla təsdiq etməlidir.
Hökumət eyni müddətdə sahilboyu əraziyə xüsusi status verilməsi, onun zonalaşdırılması və hüquqi rejiminin müəyyən edilməsi ilə bağlı təklifləri Prezidentə təqdim edəcək. Təkliflər ətraf mühitin mühafizəsi, iqtisadi fəaliyyət, turizm və istirahət sahələrində dövlət qurumlarının əlaqələndirilmiş fəaliyyətini də əhatə edəcək.
Torpaqların istifadəsinə və mühafizəsinə dövlət nəzarətini təkmilləşdirmək, qanunsuz zəbt hallarının qarşısını almaq, inzibati və cinayət məsuliyyəti tədbirlərini gücləndirmək üçün normativ hüquqi aktların layihələri də hazırlanacaq.
Sahil torpaqlarının icarəsi “bir pəncərə” prinsipi ilə təşkil ediləcək
İqtisadiyyat Nazirliyinə sahilboyu torpaqların dövlət idarəetməsinin, o cümlədən istifadəyə və icarəyə verilməsinin Əmlak Məsələləri Dövlət Xidməti tərəfindən Elektron Hökumət İnformasiya Sistemi üzərindən “bir pəncərə” prinsipi ilə həyata keçirilməsi üçün tədbirlər görmək tapşırılıb.
Nazirlik Rəqəmsal İnkişaf və Nəqliyyat Nazirliyi ilə birlikdə aktual xəritələrin və məlumatların saxlanılmasını, eləcə də ərazinin idarə edilməsini təmin edəcək coğrafi informasiya sistemləri (CİS) əsaslı platformanın yaradılmasına dair təklifləri altı ay ərzində Prezidentə təqdim edəcək. Sahildə idarəetmə və nəzarət üzrə görülmüş işlər barədə Prezidentə ildə bir dəfə məlumat veriləcək.
İqtisadiyyat Nazirliyi müşahidə sistemləri, yerində monitorinqlər, söküntü, abadlıq və sanitar təmizlik işləri, eləcə də Xidmətin maddi-texniki təminatının gücləndirilməsi üçün vəsait ayrılmasına dair təklifləri Maliyyə Nazirliyinə təqdim edəcək. Maliyyə Nazirliyi fərmanın icrası ilə bağlı xərclərin dövlət büdcəsindən maliyyələşdirilməsi üçün zəruri tədbirlər görəcək.
Müştərilərin xəbərləri
SON XƏBƏRLƏR
- 1 ay sonra
- 4 həftə sonra
-
2 həftə sonra
“Sizin Lombard”ın “36% Qızıl payız” kampaniyası davam edir ®
-
-
1 gün sonra
ABB Invest ilə “Prior Leasing” istiqrazlarından illik 15% gəlir fürsəti ®
-
3 d. əvvəl
“Turkish Cargo” Türkiyədən Ermənistana ilk müntəzəm yük reysini həyata keçirib
-
8 d. əvvəl
Xəzər sahilində torpaq idarəçiliyi bir quruma həvalə edildi – Prezident fərman imzaladı
-
14 d. əvvəl
İdxal-ixrac və logistikanın rəqəmsallaşdırılması üçün yeni fərman imzalandı
-
19 d. əvvəl
2027-ci il “Yüksəliş” müsabiqəsi üçün 1 milyon manat ayrılıb - SƏRƏNCAM
- 20 d. əvvəl
- 48 d. əvvəl
-
56 d. əvvəl
Bank VTB (Azərbaycan)-dan Black Friday fürsəti: 0% komissiya ilə 100 000 AZN-dək kredit ®
- 58 d. əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Xəzər sahilində torpaq idarəçiliyi bir quruma həvalə edildi – Prezident fərman imzaladı
Dünya enerji sənayesinin rəhbərləri Bakıda toplaşacaq
Ən çox oxunanlar
Anthropic 1,4 trilyon dollarlıq dəyərlə birjaya çıxmağa hazırlaşır – Süni intellekt sektoru üçün kritik sınaq
Bank VTB (Azərbaycan)-dan Black Friday fürsəti: 0% komissiya ilə 100 000 AZN-dək kredit ®
Noyabrın 17-də gözlənilən hava şəraiti
Birbank hərbçilər üçün nağd kreditdə 5%-dək güzəşt təqdim edir ®
Adınıza onlayn kreditə qadağa qoyun – Bunun iki yolu var - MÜSAHİBƏ
İri maliyyə qurumu neftin bahalaşacağını proqnozlaşdırır – Brent 110 dollara çata bilər
ABB ölkəmizdə insan kapitalını araşdırdı
"Böyük layihələri borclanmadan həyata keçiririk"




















