Sahibkarın 4 milyon manatını ələ keçirməkdə təqsirləndirilən dəstənin məhkəməsi başlayıb
Azərbaycanda iş adamının külli miqdarda pulunu ələ keçirməkdə təqsirləndirilən Ceyhun Əşrəfov, Cavid Hüseynli, Rüstəm Qafarov, Seymur Məhərrəmov və Zaur Qurbanovun cinayət işi üzrə məhkəmənin hazırlıq iclası keçirilib.
Bu gün Bakı Hərbi Məhkəməsində hakim Zaur Hacıyevin sədrliyi ilə keçirilən prosesdə anket məlumatları dəqiqləşdirilib, tərəflərə hüquq və vəzifələri izah edilib.
Daha sonra təqsirləndirilən şəxslərin vəkilləri vəsatət verib.
Təqsirləndirilən Seymur Məhərrəmovun vəkili Orxan Bünyatov vəsatət verərək müvəkkili barəsində olan qətimkan tədbirinin ev dusdaqlığı ilə əvəz edilməsini xahiş edib. Vəkil bildirib ki, cinayət işi üzrə müvəkkilinə 200 min manat çatıb. Lakin müvəkkili həmin pulu özünə götürməyib, Zaur Qurbanova verib.
Seymur Məhərrəmovun digər vəkili Şaiq Mirzəyev bildirib ki, müvəkklinin himayəsində iki azyaşlı övladı və xəstə valideynləri var. Vəkil onun barəsində seçilmiş həbs qətimkan tədbirinin ev dustaqlığı ilə əvəz edilməsini xahiş edib.
Dövlət ittihamçısı vəsatətə münasibət bildirərkən qeyd edib ki, Seymur Məhərrəmov iki il ərzində ziyanı ödəməyib. O, vəsatətin təmin edilməməsini istəyib.
Rüstəm Qafarovun vəkili Esmira Hüseynova isə bildirib ki, müvəkkilinin üç mülkü var: “Biz istəyirik ki, həmin mülkləri ziyan əvəzi ödəyək. Bunun üçün də müvəkkilim barəsində olan həbsin ev dustalığı ilə əvəz edilməsini xahiş edirik”.
Daha sonra Cavid Hüseynlinin vəkili vəsatətlə çıxış edərək bildirib ki, zərərçəkənə ziyanın bir qismi (927 min manat) ödənilib: "Tam ödənilməsi üçün Cavid Hüseynli barəsində olan həbs qətimkan tədbirini ev dustalığı ilə əvəz edilməsini xahiş edirəm".
Digər vəkillər də müvəkkiləri barəsində olan həbs qətimkan tədbirinin ev dustalığı ilə əvəz edilməsini istəyiblər.
Zərərçəkən sahibkar Quvat Beybutov vəsatətə münasibət bildirərkən qeyd edib ki, yanlız Cavid Hüseynli barəsində olan həbs qətimkan tədbirinin dəyişdirilməsinə etiraz etmir. O, digər şəxslərlə bağlı vəsatətlərin təmin edilməməsini xahiş edib.
Dövlət ittihamçısı Cavid Hüseynli barədə vəsatətə humanist yanaşılmasını, digər vəsatətlərin təmin edilməməsini və işin baxışa verilməsini təklif edib.
Məhkəmə qərar qəbul etmək üçün müşavirəyə gedib.
Müşavirədən sonra Cavid Hüseynli barəsində olan həbs qətimkan tədbirinin ev dustaqlığı ilə əvəzlənməsi barədə qərar verilib. O, məhkəmə zalından sərbəst buraxılıb.
Digər vəsatətlər təmin edilməyib, cinayət işi məhkəmə baxışına verilib.
Məhkəmənin baxış iclası dekabrın 25-nə təyin olunub.
Qeyd edək ki, iş üzrə zərərçəkən şəxs qismində iş adamı Quvat Beybutov tanınır. İttihama görə, təqsirləndirilən şəxslər dələduzluq yolu ilə onun 4 milyon 19 min manat pulunu ələ keçiriblər.
Təqsirləndirilən Ceyhun Əşrəfov Azərbaycan Sindo-ryu və Pençak-silat Federasiyasının (ASPF) prezidenti olub. O, istintaq dövründə 515 min manat zərəri ödəyib və barəsində həbs olmayan qətimkan tədbiri seçilib
Təqsirləndirilən şəxslər Cinayət Məcəlləsinin 178.4-cü (dələduzluq,xüsusi ilə külli miqdarda törədildikdə) maddəsi ilə ittiham edilir.
© APA
Müştərilərin xəbərləri
PAŞA Həyat eşitmə məhdudiyyətli idmançılar arasında cüdo üzrə Avropa çempionatının baş sponsoru olub
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
22 saat sonra
ABB Invest ilə “Prior Leasing” istiqrazlarından illik 15% gəlir fürsəti ®
-
17 d. əvvəl
Azərbaycanda yanacaqdoldurma stansiyalarının ərazisində yeni restoranlar açılacaq
-
52 d. əvvəl
Qızılın qiyməti 4650, sonra 5600 dollar ola bilər – Bankdan yeni proqnoz
- 57 d. əvvəl
-
1 saat əvvəl
Neftin qiyməti yenidən düşür – Dünya bazarında gündəlik 1,7 milyon barel təklif artıqlığı gözlənilir
- 1 saat əvvəl
-
1 saat əvvəl
Biznes xərclərindən də millər qazandıran ABB AZAL Miles Business kartları təqdim olundu ®
-
1 saat əvvəl
PAŞA Həyat eşitmə məhdudiyyətli idmançılar arasında cüdo üzrə Avropa çempionatının baş sponsoru olub
-
1 saat əvvəl
Şərab şirkətinin adının dəyişdirilməsi və artan vergi borclarının ödənilməsi müzakirə olunacaq
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Neftin qiyməti yenidən düşür – Dünya bazarında gündəlik 1,7 milyon barel təklif artıqlığı gözlənilir
Sizi aldatmağa çalışdıqlarını necə anlaya bilərsiniz?
Ən çox oxunanlar
Biznes xərclərindən də millər qazandıran ABB AZAL Miles Business kartları təqdim olundu ®
PAŞA Həyat eşitmə məhdudiyyətli idmançılar arasında cüdo üzrə Avropa çempionatının baş sponsoru olub
Şərab şirkətinin adının dəyişdirilməsi və artan vergi borclarının ödənilməsi müzakirə olunacaq
İcbari sığortanın müddəti bitəndə “mygov” da xəbər verəcək
Azərbaycan neftinin son qiyməti
Özünüzə kredit qadağası qoymusunuz, amma adınıza onlayn kredit verilib? – Borcu kim ödəyəcək?






















