Korporativ müştərilər Expressbankı seçir

Korporativ müştərilər Expressbankı seçir

Korporativ müştərilər Expressbankı seçir

® Ölkəmizin daim inkişaf edən iqtisadiyyatında sahibkarlıq fəaliyyəti mühüm yer tutur.

VTB-də minimal faiz dərəcəsi ilə nağd kredit 9.9%-dən

Bildiyiniz kimi, bu yolda Expressbank daim kiçik və orta sahibkarların, həmçinin iri biznes fəaliyyəti ilə məşğul olan iş adamlarının yanındadır.

Bu istiqamətdə tərəfdaşlarına individual yanaşma nümayiş etdirən Expressbank, fərdi və çevik tarif siyasəti, göstərdiyi yüksək keyfiyyətli xidmət nəticəsində 2019-cu il ərzində sahibkarlıq fəaliyyəti ilə məşğul olan müştərilərinin sayında 27% artım əldə etmişdir.

Üstəlik, Expressbank-ın “Əmək haqqı layihəsi” çərçivəsində təqdim edilən kart sayının həcmində qeydə alınmış 31% artım biznes sahiblərinin banka olan etimadının bariz nümunəsidir.

Həmçinin, 2018-ci il ilə müqayisədə bankın korporativ sahə üzrə qeyri-faiz gəlirlərində 52% artım müşahidə edilib. Bu da bank tərəfindən müştərilərə göstərilən xidmətlərin rahatlığını bir daha sübut edir.

Qeyd edək ki, 2019-cu il üzrə korporativ müştəri əməliyyatlarının 55%-i İnternet Banking Platforması üzərindən icra olunmuşdur. Sahibkarlar yaxşı bilir ki, İnternet Banking üzərindən istənilən zaman və dünyanın istənilən nöqtəsindən internet şəbəkəsi vasitəsilə operativ və təhlükəsiz şəkildə öz bizneslərini 7 gün, 24 saat rahatlıqla idarə edə bilirlər.

Biznes və pərakəndə bankçılıq sahəsində geniş çeşiddə bank məhsulu və xidmətlər təklif edən Expressbank-ın ölkə ərazisində 15 filialı mövcuddur. Bank xidmətləri barədə ətraflı məlumat üçün 132 Məlumat Mərkəzinə zəng edə bilərsiniz.

12.02.2020 06:52