Ən yuxarı statik reklam-3_3
Ən yuxarı (mobil)-2_30
Mobil manşet üstü reklam_21

Hansı karqo şirkəti şikayətlərə daha tez cavab verir? - Karqo şirkətlərinin şikayət göstəriciləri açıqlandı

Müştərilər ən çox “Dinameks Cargo”, “Azcamex” və “Koliplus” şirkətlərindən narazı qalıblar.
AzVak-mobil_resmin_ustu_31
Hansı karqo şirkəti şikayətlərə daha tez cavab verir? - Karqo şirkətlərinin şikayət göstəriciləri açıqlandı
iç səhifə xəbər şəkil altı (mobil)_32

2026-cı ilin üçüncü rübündə sürətli poçt operatorları arasında ən yüksək şikayət indeksi “Dinameks Cargo” MMC-də qeydə alınıb. Şirkətin indeksi 18,97 olub. Sonrakı yerlərdə 5,48 göstərici ilə “Azcamex” və 4,29 göstərici ilə “Koliplus” qərarlaşıb. Ən aşağı şikayət indeksi “Azərpoçt”da qeydə alınıb – 0,27.

Marja.az İnformasiya Kommunikasiya Texnologiyaları Agentliyinin (İKTA) hesabatına istinadən xəbər verir ki, qiymətləndirilən 14 operatordan 8-nin göstəricisi pisləşib, 6-nın göstəricisi isə yaxşılaşıb.

“Azcamex” və “Kango” müraciətləri orta hesabla 2 günə cavablandırıb. Bu, hesabatda qeydə alınan ən qısa müddətdir.

Cavab verən operatorlar arasında ən uzun orta müddət “Morex”də qeydə alınıb – 8 gün.

İKTA-nın məlumatına görə, “Koliplus” və “Kargolux Company” “E-Şikayət” platforması üzərindən vətəndaş müraciətlərini cavablandırmaqdan imtina ediblər.

Şikayət indeksi İKTA-ya daxil olan müraciətlər əsasında müştəri narazılığının nisbi səviyyəsini göstərir. İndeks yüksəldikcə narazılıq səviyyəsi də artır. Hesablamada poçt göndərişləri üzrə 1000, şikayətlər üzrə isə 3 minimum hədd kimi götürülüb.

Hər gün yeni vakansiyalar - AzVak.az-da

İKTA qeyd edib ki, Şikayət indeksi istifadəçi müraciətlərinin intensivliyini və xidmətlə bağlı narazılıq səviyyəsinin nisbi göstəricisini əks etdirir. Bu, müştərilərin bir məhsul və ya xidmətdən hansı səviyyədə narazı qaldıqlarını göstərir. Şikayət indeksinin yüksək olması müştəri narazılığının çox olduğunu, aşağı olması isə müştəri narazılığının daha az olduğunu bildirir. İndeks yalnız Agentliyə daxil olan müraciətlərə əsaslandığından bütün istifadəçi narazılıqlarını tam əhatə etməyə bilər və göstəricilər müqayisəli xarakter daşıyır

 

XXX

İKTA poçt xidmətləri üzrə III rübün şikayət indeksini və cavablandırma müddətlərini açıqlayıb

İnformasiya Kommunikasiya Texnologiyaları Agentliyi (İKTA) poçt rabitəsi xidmətləri üzrə 2026-cı ilin III rübünə dair şikayət indeksi və şikayətlərin orta cavablandırılma müddəti hesabatını dərc edib.

İKTA-nın yaydığı məlumatda bildirilir ki, hesabatda 2026-cı ilin iyul–sentyabr aylarında “E-Şikayət” sistemi vasitəsilə poçt rabitəsi operatorlarına ünvanlanmış müraciətlər əsasında şikayət indeksi və operatorların müraciətlərə orta cavablandırma müddətləri təqdim olunur.

Şikayət indeksi hər bir poçt rabitəsi operatoru üzrə şikayətlərin xüsusi çəkisinin həmin operatorun poçt göndərişləri üzrə bazar payına nisbəti əsasında hesablanır. Bu göstərici operatorun bazardakı fəaliyyət həcmi nəzərə alınmaqla şikayətlərin nisbi intensivliyini müqayisəli şəkildə qiymətləndirməyə imkan verir.

Şikayətlərin xüsusi çəkisi operator üzrə daxil olmuş şikayətlərin ümumi şikayətlərin sayındakı payı, bazar payı isə operatorun həyata keçirdiyi poçt göndərişlərinin ümumi poçt göndərişlərindəki payı əsasında müəyyən edilir.

Hesabatda ayrıca olaraq operatorların “E-Şikayət” sistemi vasitəsilə daxil olan müraciətlərə orta cavablandırma müddəti də təqdim edilir. Bu göstərici operatorların müraciətlərə operativ münasibətini müqayisəli şəkildə qiymətləndirməyə imkan verir.

Şikayət indeksi və orta cavablandırma müddətlərinin mütəmadi ictimaiyyətə təqdim olunması poçt xidmətləri bazarında şəffaflığın və müqayisəliliyin artırılmasına, istifadəçilərin məlumatlandırılmasına və tənzimləmə prosesinin daha dolğun məlumatlarla dəstəklənməsinə xidmət edir.

Hesabatların açıq dərc olunması eyni zamanda bazar iştirakçıları üçün əlavə stimul yaradır, operatorları şikayətlərin səbəblərini təhlil etməyə, müraciətlərin cavablandırılması müddətlərini yaxşılaşdırmağa və xidmət keyfiyyətinə daha məsuliyyətli yanaşmağa təşviq edir.

Məlumat üçün bildirək ki, “E-Şikayət” sistemi 2023-cü ilin noyabrında istifadəyə verilib. 2024-cü ilin aprel ayından etibarən sistem vasitəsilə poçt rabitəsi operatorları ilə bağlı müraciətlərin qəbuluna başlanılıb. Bu günədək sistem vasitəsilə poçt rabitəsi xidmətləri ilə bağlı 3 015 şikayət daxil olub.

İKTA poçt rabitəsi xidmətlərindən istifadə zamanı çətinliklə qarşılaşan şəxslərə ilk növbədə xidmət aldıqları operatorun rəsmi əlaqə vasitələrinə müraciət etməyi, məsələ həllini tapmadıqda isə “mygov” platforması üzərindən “E-Şikayət” xidmətindən istifadə etməyi tövsiyə edir.

Hər gün yeni vakansiyalar - AzVak.az-da

karqo şirkətlərinin şikayət indeksi İKTA şikayət indeksi 2026-cı ilin üçüncü rübü sürətli poçt xidmətləri karqo şikayətləri Dinameks Cargo Azcamex Koliplus Kargolux Company Morex Kango Azərpoçt E-Şikayət şikayətlərin cavablandırılma müddəti
18.11.2026 17:08
Mobil-xeber-sonu-paylaş-düyməsinin altı-2_33

Müştərilərin xəbərləri

Mobil Manşet alt reklam-2_22
Mobil Xəbər Lentinin aşağısı-4_23
Mobil əsas səhifə 4-cü2_27
Mobil əsas səhifə 5-ci-2_28
Mobil əsas səhifə 6-ci-2_29
Desktop_Manset_sag_5
Esas-sehifede-reklam-3_8
Ana-sehifede-2-reklam-3_9
Əsas səhifədə 3-cü reklam-2-CityNet-NyuMedia_10
Xəbər mətn sağ 1-ci_15
Xəbər mətn sağ 2-ci_16
Xəbər mətn sağ 3-cü_17
Xəbər mətn sağ -18_18
Xəbər mətn sağ 5-ci_19