İki restoranın başı dərddə - MÜŞTƏRİSİ ZƏHƏRLƏNİB ÖLDÜ, YENİLƏNİB

İki restoranın başı dərddə - MÜŞTƏRİSİ ZƏHƏRLƏNİB ÖLDÜ, YENİLƏNİB

İki restoranın başı dərddə - MÜŞTƏRİSİ ZƏHƏRLƏNİB ÖLDÜ, YENİLƏNİB

15:40 - “Baku Voice Rooms” restoranı adının zəhərlənmə hadisəsində hallanması ilə əlaqədar açıqlama yayıb.

Restorandan "Marja"ya daxil olmuş açıqlamada deyilir:

"Faktla bağlı “Baku Voice Rooms” restoranına Azərbaycan Respublikasının Qida Təhlükəsizliyi Agentliyi mütəxəssislərinin iştirakı ilə baxış keçirilib, orada olan spirtli içki və qida məhsullarından nümünə götürülərək yoxlanılması üçün AQTA-nın mütəxəssislərinə təqdim olunub.

Aparılan araşdırmalar nəticəsində, zəhərlənmə “Baku Voice Rooms” restoranında baş vermədiyi məlum olub".

12:08 - Bakıda ölüm hadisəsi baş verib. Kişinin qəbul etdiyi spirtli içkidən zəhərləndiyindən şübhələnilir.

Sekabrın 23-də hüquq-mühafizə orqanlarına Bayramov Sərxan Niyazi oğlunun zəhərlənmə diaqnozu ilə Kliniki Tibbi Mərkəzə daxil olması və həmin xəstəxanada ölməsi barədə məlumat daxil olub.

Nərimanov rayon Prokurorluğu tərəfindən araşdırmalar zamanı məlum olub ki, S.Bayramov qohumu Cəlal Həmzəyevlə birlikdə dekabrın 21-də Nərimanov rayon ərazisində yerləşən “Baku Voice Rooms” restoranında, daha sonra Nəsimi rayon ərazisində “Baku City” restoranında müxtəlif spirtli içkilər və qida məhsulları qəbul ediblər. Daha sonra həmin şəxslər özlərini yaxşı hiss etməyiblər və S.Bayramov dekabrın 23-də Kliniki Tibbi Mərkəzə, C.Həmzəyev isə 3 saylı şəhər Kliniki Xəstəxanasına aparılıb.

Nəticədə S.Bayramov müalicə aldığı Kliniki Tibbi Mərkəzdə ölüb, C.Həmzəyev isə ağır vəziyyətdə həkimlərin müşayiəti altındadır.

Zəhərlənmənin iki restorandan hansında baş verdiyi məlum deyil.

Faktla bağlı Nərimanov rayon Prokurorluğunda Cinayət Məcəlləsinin 314.2-ci (Səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə cinayət işi başlanılıb, araşdırma aparılır.

NAĞD PUL 17%-DƏN

24.12.2019 09:08

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az