Azərbaycanlı marketoloqun təşəbbüsü Ginnesin Rekordlar kitabına düşüb

Hazırda Dubayda tanınmış şirkətlərdən birinin Marketinq direktoru vəzifəsində çalışan azərbaycanlı Vüqar Adıgözəlov çox maraqlı bir ideyanı reallaşdıraraq, Ginnes Dünya Rekordlarına adını yazdırıb.
Bu barədə danışan Vüqar Adıgözəlov indiyədək 65 ölkəyə səyahət etdiyini deyib.
“İş elə gətirdi ki, illər öncə Birləşmiş Ərəb Əmirliklərindən iş təklifi aldım və Dubaya köçməyə qərar verdim. Çoxmillətli meqapolisdə yaşamaq mənə müxtəlif millətlərin ənənələrini daha yaxından öyrənməyə kömək oldu. Dubayda demək olar ki, dünyanın bütün millətlərindən insan yaşayır.
2019-cu il isə Əmirliklərdə Tolerantlığın və çoxmillətliyin bayram edildiyi bir il oldu və il ərzində tolerantlıqla bağlı bir sıra tədbirlər həyata keçirildi. Hazırda Oxford Universitetində magistr təhsili aldığım üçün çox tez-tez səyahət edirəm. Bir neçə ay öncə növbəti dəfə səfərdən qayıdanda təyyardə qeyri-adi bir elanla rastlaşdım, kapitan bildirdi ki, təyyarə heyəti 14 müxtəlif dildə danışa bilir, düzü, bir təyyarə heyətində bu qədər müxtəlif millətin çalışdığını öyrənmək mənə çox maraqlı gəldi. Bələdçi söylədi ki, təyyarədə 50-dən çox millətdən sərnişin var.
Evə çatar-çatmaz dunyada ən çox millətin uçduğu uçuşla maraqlanmağa başladım, belə məlumata rast gəlməsəm də, qarşıma çox millətin nümayəndəsinin bir araya gəlib müxtəlif rekordlar qırdığını öyrəndim.
Amma mənim ideyam çılğın olduğu qədər də bahalı idi. Ümidimi itirmədən fikrimi dostlarla payaşıb dəstək axtarışına çıxdıq. Tezliklə ideyanı çox yüksək səviyyədə həyata keçirə bilməyimizə şərait yarandı.
29 noyabr tarixində BƏƏ-nin 48-ci Milli günü və ölkədə “Tolerantlıq ili” münasibətilə 145 millətin nümayəndəsi tarixi uçuş üçün hava limanına toplaşdı. Milli seçim nəticəsində püşkatma yolu ilə seçilmiş şərnişinlərlə yanaşı, tarixi uçuşda 500-dən çox sərnişin, Ginnes Dünya Rekordları komitəsi nümayəndələri, kral ailəsi üzvləri, media mənsubları da iştirak edirdi.
Uçuş üçün bütün sərnişinlər qeydiyyat, gömrük və təhlükəsizlik prosedurlarını keçərək terminal binası vasitəsi iə təyyarəyə daxil olublar, uçuş zamanı sərnişinlərə qəlyanaltı və sərinləşdirici içki təkif olunub ki, bununla da standart bir uçuşda olan bütün presedurlara riayət olunub.
Rəsmi rekord cəhdi üçün “Emirates” hava yollarına məxsus A380 təyyarəsi (təyyarə bu hadisəyə özəl olaraq rənglənib: üzərində müxtəlif millətlərdən əl-ələ tutmuş insanlar təsvir edilib). Tarixi EK2019 səfər sayısı olan reys Dubay Beynəlxalq Hava Limanından (DXB) qalxaraq, BƏƏ-nin bütün əmirlikləri üzərində uçuş edəndən 1 saat sonra yenidən Dubaya qayıdıb.
Uçuşdan öncə Ginnes rəsmisinin bildirdiyinə görə, ən az 75 müxtəlif millətin nümayəndəsinin iştirakı kifayət edirdi ki, uçuş dünya rekordu kimi qeydə alınsın. Təyyarənin göyərtəsində olarkən Ginness Dünya Rekordlarının rəsmi nümayəndəsi uçuşda 145 fərqli millətin nümayəndəsinin iştirak etdiyini rəsmən açıqlayaraq, rekordun qeydə alındığını bildirdi. Beləliklə, bu hadisə və hava yolları Ginness Dünya Rekordu olaraq qeydə alındı və Rəsmən Möhtəşəm titulunu qazandı".
Təyyarə yerə endindikdn sonra Dubay polisinin musiqi ansamblının iştirakı ilə rəsmi mükaftlandırma mərasimi təşkil olunub, Hava yolu və bütün iştirakçılar rəsmi rekord sertifikatı ilə təltif olunublar.
© "Modern"
Müştərilərin xəbərləri

Kapital Bank liderləri Money 20/20 Europe forumunda və beynəlxalq təcrübə mübadiləsində iştirak etdilər
SON XƏBƏRLƏR
-
6 saat sonra
Regionun aparıcı innovasiya festivalı üçün biletlər artıq satışdadır ®
-
20 saat əvvəl
Azərbaycan məhsulu Dünyanın nüfuzlu müsabiqəsində qızıl medala layiq görülüb
-
3 gün əvvəl
“PAŞA Holding” Qurban Bayramı münasibətilə şəhid övladlarına bayram sovqatları çatdırır
-
-
3 gün əvvəl
NEQSOL Holding şəhid ailələrinə və qazilərə dəstəyini davam etdirir
-
3 gün əvvəl
Qızıl Dəyərində İdarəetmə və Liderlik - METAK 4-cü dəfə bu nüfuzlu mükafata layiq görüldü
-
3 gün əvvəl
Facility Management Group (FMG) Qurban bayramını uşaqlarla birlikdə qeyd etdi
- 4 gün əvvəl
- 4 gün əvvəl
- 4 gün əvvəl
- 4 gün əvvəl
-
4 gün əvvəl
"40 milyon manatlıq məhsula zərər dəyməsi ilə bağlı müraciət daxil olub"
- 4 gün əvvəl
Son Xəbərlər

“PAŞA Holding” Qurban Bayramı münasibətilə şəhid övladlarına bayram sovqatları çatdırır

NEQSOL Holding şəhid ailələrinə və qazilərə dəstəyini davam etdirir

Dövlət büdcəsində 3,4 milyard manat artıqlıq yaranıb

m10 yenilənir!

Özünü plastik cərrah kimi təqdim edən Nihad Aslanova görə hüquq-mühafizə orqanlarına müraciət ediləcək

Azərbaycan Çinə toyuq ayaqları ixrac edəcək

Avropa Mərkəzi Bankı faiz qərarını açıqladı

Azərbaycan Çində yeni ticarət və şərab evləri aça bilər

10 İyun tarixi üçün rəsmi məzənnə müəyyən olunub

Azərbaycanla Çin arasında birgə müəssisə yaradılacaq
