“Xocalı”nın sertifikatları yenilənib, gəmi ABŞ-yə yola düşüb
AZCON Holding şirkətlərindən olan ASCO-nun “Handysize” tipli “Xocalı” quru yük gəmisi Çində yerləşən "Zhoushan Xinya" gəmiqayırma zavodunda RINA (Registro Italiano Navale) beynəlxalq təsnifat cəmiyyətinin nəzarəti altında aralıq yoxlamadan uğurla keçib. Bir ay davam edən prosesin yekununda RINA tərəfindən gəminin müvafiq sertifikatları yenilənib.
ASCO-nun yaydığı məlumatda bildirilir ki, yoxlama çərçivəsində "Xocalı"nın texniki vəziyyətinin qiymətləndirilməsi ilə yanaşı, əsas mexanizm və sistemlərinin genişmiqyaslı təmir işləri həyata keçirilib. Belə ki, gəminin üst göyərtəsi tam rənglənib, baş mühərrik əsaslı təmir olunub, yanacaq və ballast sistemlərinə xidmət göstərilib.
Təmir işləri çərçivəsində yaşayış sahələri və mətbəxin havalandırılması üçün yeni hava qutusu hazırlanıb. Bundan başqa, hər üç köməkçi mühərrikin tənzimləyicisi əsaslı təmir edilib, qazan təmizlənərək yoxlanılıb, təhlükəsizlik klapanlarının təzyiq sınaqları aparılıb.
Aralıq yoxlama və təmir işlərinin tamamlanmasından sonra “Xocalı” ABŞ-nin Kaliforniya ştatında yerləşən Vilminqton limanına yola düşüb. Gəminin dekabrın əvvəllərində təyinat limanına çatması planlaşdırılır.
Qeyd edək ki, 2024-cü il mayında Çində istismara qəbul edilən “Xocalı” ASCO-nun “Handysize” tipli ilk quru yük gəmisidir. Uzunluğu 180, eni 30, bortunun hündürlüyü 15 metr olan gəminin suya oturumu 10,47 metr, ümumi yükgötürmə qabiliyyəti 38 593 ton, maksimal sürəti isə 15,7 düyündür.
Beş yük anbarına malik nəhəng gəminin göyərtəsində hər birinin yükgötürmə qabiliyyəti 30 ton olan dörd kran yerləşir. Kranların hər biri bütün yük anbarlarına xidmət göstərə bilir, qolları isə dayandıqları nöqtədən 26 metrədək məsafəyə uzanır.
Minimal suya oturumla yüksək yükgötürmə qabiliyyətinin birləşdirilməsi “Xocalı”nın əsas texniki üstünlüklərindəndir. Bu xüsusiyyət gəminin müxtəlif su dərinliyinə malik limanlara, o cümlədən dayaz limanlara daxil olmasına imkan yaradır.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
7 d. əvvəl
Ütü 70 manat, paltaryuyan 550 manat ucuzlaşıb - Baku Electronics-də “Super Cümə” ®
-
11 d. əvvəl
“Xocalı”nın sertifikatları yenilənib, gəmi ABŞ-yə yola düşüb
- 27 d. əvvəl
- 36 d. əvvəl
- 44 d. əvvəl
-
1 saat əvvəl
Bakıda ilk dəfə avtobuslar üçün ayrıca svetofor quraşdırılacaq
-
1 saat əvvəl
BDU-da rektor dəyişikliyi – Elçin Babayev vəzifədən azad edildi, Məleykə Abbaszadə təyin olundu
- 1 saat əvvəl
- 1 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Mərkəzi Bank manatın məzənnə sabitliyini qorumaq üçün sərəncamındakı bütün alətlərdən istifadə edəcək
Bakıda ilk dəfə avtobuslar üçün ayrıca svetofor quraşdırılacaq
BDU-da rektor dəyişikliyi – Elçin Babayev vəzifədən azad edildi, Məleykə Abbaszadə təyin olundu
Ən çox oxunanlar
Alen Simonyan gələn ay Azərbaycana gələcək
İrana yeni zərbə ehtimalı nefti bahalaşdırıb
1 trilyon 300 milyard avroluq bank qrupu yaranır
Azərbaycan neftinin son qiyməti
Britaniyanın müdafiə sənayesi nəhəngi BAE Systems 1 070 iş yerini ixtisar etməyi planlaşdırır
“Aqrarkredit” 23 lot üzrə əmlak və 5 şirkət üzrə borc tələb hüquqlarını satışa çıxarır
Çinin Jetour şirkəti Braziliyada T1 və T2 istehsalına başlayacaq — 68 milyon 600 min dollarlıq əlavə sərmayə























