Türkiyə Mərkəzi Bankına yeni sədr təyin edildi - İLK QADIN SƏDR

Türkiyə Mərkəzi Bankına yeni sədr təyin edildi - İLK QADIN SƏDR

Hafize Gaye Erkan Türkiyə Mərkəzi Bankının iyunun 22-də keçiriləcək iclasına sədrlik edəcək. Beləliklə, "uçot dərəcəsi aşağı düşəcək, eyni qalacaq, yoxsa artacaq?" Bu, ən çox verilən sualdır.

Türkiyə Mərkəzi Bankına yeni sədr təyin edildi - İLK QADIN SƏDR

Türkiyə Prezidenti Rəcəb Tayyib Ərdoğanın sərəncamı ilə Hafize Gaye Erkan Türkiyə Cümhuriyyəti Mərkəzi Bankının (TCMB) sədri təyin edilib. Beləliklə, Hafize Gaye Erkan TCMB-nin ilk qadın sədri olub.

Marja xəbər verir ki, bu barədə Sərəncam "Rəsmi Qəzet"də dərc edilib.

Mehmet Şimşəkin (yeni maliyyə naziri) 5 illik fasilədən sonra yenidən Türkiyədə iqtisadiyyat idarəçiliyinə keçməsilə Türkiyə Cümhuriyyəti Mərkəzi Bankına gözlənilən təyinat reallaşıb.

ABŞ-da "Möhtəşəm Türk Qızı" kimi tanınan Hafize Qaye Erkanın ilk imtahanı iyunun 22-də olacaq. İyunun 22-də Mərkəzi abnkın Pul Siyasəti Komitəsinin iclasında 8,5% olan siyasət faizinin eyni qalıb-qalmayacağı bazarda ən böyük sualdır.

Hafize Gaye Erkan kimdir?

1982-ci ildə İstanbulda anadan olmuş Erkan İstanbulda liseyi bitirdikdən sonra 2001-ci ildə Boğaziçi Universitetinin Sənaye Mühəndisliyi fakültəsini bitirib. Təhsilini ABŞ-da davam etdirən Erkan 2005-ci ildə Prinston Universitetində əməliyyat tədqiqatları və maliyyə mühəndisliyi üzrə doktorluq dərəcəsi alıb. Erkan Harvard Biznes Məktəbində idarəetmə elmləri və Stenford Universitetində liderlik üzrə iki təlim proqramını da bitirmişdir.

Karyerasına 2005-ci ildə Goldman Sachs-da başlayan Erkan "First Republic Bank"da və " Tiffany & Co" da yüksək vəzifələrdə çalışıb.

Hafize Gaye Erkan ABŞ-dakı uğurlu iş həyatına görə "Möhtəşəm Türk Qızı" kimi tanınıb. San Francisco Business Times-ın 2018-ci ildə apardığı araşdırmaya görə, Amerikanın 100 ən böyük bankında prezident və ya Baş direktor titulu daşıyan 40 yaşdan kiçik yeganə qadın seçilib, Kreyn New York Business-in "Yaşı 40-dan aşağı olan 40 nəfər" siyahısına daxil olub.

Həmçinin oxu

Türkiyənin danışdığı ABŞ-dan gələn "Möhtəşəm türk qızı"

09.06.2023 07:20

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az