Uçotda olan vergi ödəyiciləri barədə məlumatlar açıqlanıb

Uçotda olan vergi ödəyiciləri barədə məlumatlar açıqlanıb

Elektron qeydiyyat ərizələrinin 83,7 faizi Asan imza ilə təqdim olunub

Uçotda olan vergi ödəyiciləri barədə məlumatlar açıqlanıb

2022-ci ilin dekabr ayının 1-nə respublika üzrə uçotda olan 1.399.990 vergi ödəyicisinin 87,4 faizi fiziki şəxslər, 12,6 faizi hüquqi şəxslər və digər təşkilatlar olub.

Dövlət Vergi Xidmətinin yaydığı məlumatda bildirilir ki, ötən ilin müvafiq dövrü ilə müqayisədə vergi ödəyicilərinin sayı 5,9 faiz, o cümlədən fiziki şəxslərin sayı 5,5 faiz (ümumi artımın 80,7 faizi), hüquqi şəxslərin sayı 9,4 faiz (ümumi artımın 19,3 faizi) artıb. Həmin dövrdə kommersiya qurumlarının sayı 10,3 faiz artıb.

2022-ci ilin 11 ayı ərzində 14.259 kommersiya qurumu dövlət qeydiyyatından keçib ki, bu da əvvəlki ilin müvafiq dövrü ilə müqayisədə 32,4 faiz çoxdur. Kommersiya qurumlarının 72,1 faizi elektron qaydada, 27,9 faizi kağız daşıyıcılarda müraciətlər əsasında qeydə alınıb. Onlardan 19,4 faizinin ƏDV-nin məqsədləri üçün qeydiyyata alınması ilkin qeydiyyat proseduru çərçivəsində təmin edilib.

Yerli investisiyalı məhdud məsuliyyətli cəmiyyətlərin e-qeydiyyatının xüsusi çəkisi 94,8 faiz təşkil edib. Yeni qeydiyyat üsulunun (fin kod+mobil nömrə) ümumi qeydiyyatda xüsusi çəkisi 11,7 faiz, yerli investisiyalı məhdud məsuliyyətli cəmiyyətlərin qeydiyyatında isə 15,4 faiz olub.

Ümumiyyətlə, ilin əvvəlindən icra olunmuş elektron qeydiyyat ərizələrinin 83,7 faizi Asan imza ilə təqdim edilib.

2022-ci ilin 11 ayı ərzində qeydiyyatdan keçmiş kommersiya qurumlarından 76,8 faizi yerli investisiyalı, 23,2 faizi xarici investisiyalı qurumlardır.

Dekabr ayının 1-nə dövlət qeydiyyatında olan kommersiya hüquqi şəxslərin 89,7 faizi məhdud məsuliyyətli cəmiyyət, 1,4 faizi səhmdar cəmiyyət, 1,2 faizi kooperativ və s. formalarda yaradılıb.

2022-ci ilin 11 ayı ərzində fəaliyyəti bərpa edilmiş hüquqi şəxslərin sayı ötən ilin müvafiq dövrünə nisbətən 22,2 faiz, fəaliyyəti aktivləşmiş ƏDV ödəyicilərinin sayı isə 22 faiz artıb.

09.12.2022 15:04

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az