“Azərpoçt”un yeni çatdırılma xidmətinə böyük maraq - AYLIQ ÇATDIRMA 1000-İ KEÇİB

“Azərpoçt”un yeni çatdırılma xidmətinə böyük maraq - AYLIQ ÇATDIRMA 1000-İ KEÇİB

“Azərpoçt” MMC “Logistika” xidmətinin əhatə dairəsini genişləndirir. Qurum yaxın zamanda aylıq xidmət həcminin 5 min çatdırmaya qədər yüksələcəyini proqnozlaşdırır.

“Azərpoçt”un yeni çatdırılma xidmətinə böyük maraq - AYLIQ ÇATDIRMA 1000-İ KEÇİB

“Azərpoçt” MMC-nin “Sədərək” Ticarət Mərkəzindən alınan məhsulların Bakı və bölgələr üzrə çatdırılmasını təmin edən “Logistika” xidməti artan templə inkişaf edir. İstifadəyə verildiyi 4 ay ərzində layihə çərçivəsində daşımaların həcmi 10 dəfədən çox artıb.

Bu barədə Marja-ya Azərpoçt-un İctimaiyyətlə əlaqələr şöbəsinindən bildirilirb.

Qeyd edilib ki, “Logistika” xidməti 2021-ci ilin oktyabrında koronavirus (COVID-19) pandemiyası şəraitində sahibkar və alıcıların rahatlığını təmin etmək, eyni zamanda ölkədə onlayn alış-verişə dəstək məqsədilə yaradılıb.

"Xidmətin fəaliyyətə başladığı ilk ay ərzində cəmi 95 daşıma həyata keçirilsə də, hazırda aylıq çatdırmanın sayı 1000-dən artıqdır. Bu da “Azərpoçt” MMC-nin bazarda olan tələbatı doğru təhlil edərək, satıcı və alıcılara optimal həll təklif etdiyini göstərir. Ötən 4 ayın göstəricilərinə əsasən, qurum yaxın zamanda aylıq xidmət həcminin 5 min çatdırmaya qədər yüksələcəyini proqnozlaşdırır.

“Logistika” xidmətindən istifadə etmək istəyən mağaza sahibləri “Sədərək” Ticarət Mərkəzinin “Elit 2” korpusunun 2-ci mərtəbəsində yerləşən “Azərpoçt” məntəqəsinə yaxınlaşa bilərlər", - məlumatda deyilir

Xatırladaq ki, “Azərpoçt” MMC ötən il “Logistika” xidməti ilə yanaşı, sahibkarların məhsullarının “Azərpoçt” şöbələrində vətəndaşlara təqdim olunmasını nəzərdə tutan “Retail” xidmətini də istifadəyə vermiş və qarşılıqlı əməkdaşlıqdan yüksək nəticələr əldə etmişdi.

03.02.2022 12:59

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az