Nazir: Azərbaycanın valyuta ehtiyatları ilin sonuna dövlət borcunu 6 dəfədən çox üstələyəcək

Nazir: Azərbaycanın valyuta ehtiyatları ilin sonuna dövlət borcunu 6 dəfədən çox üstələyəcək

Nazir: Azərbaycanın valyuta ehtiyatları ilin sonuna dövlət borcunu 6 dəfədən çox üstələyəcək

Bu ilin sonuna Azərbaycanın strateji valyuta ehtiyatlarının dövlət borcunu 6 dəfədən çox üstələyəcəyi gözlənilir.

Bunu Bakıda keçirilən 25-ci Beynəlxalq Biznes Forumda (IBF) çıxış edən Azərbaycanın iqtisadiyyat naziri Mikayıl Cabbarov deyib.

Onun sözlərinə görə, bu ilin sonuna valyuta ehtiyatları gözlənilən ÜDM-in 108%-ini təşkil edəcək.

Xatırladaq ki, 2021-ci il 1 iyul tarixinə Azərbaycan ümumi dövlət borcu 17,352 mlrd. manat və ya ÜDM-in 21,6%-ni təşkil edib. Xarici dövlət borcu isə 8,603 mlrd. ABŞ dolları (14,626 mlrd. manat) və ya ÜDM-in 18,2%-nə bərabər olub.

2021-ci ilin ilk doqquz ayı ərzində dövlət borcunun xidmət xərclərinə 1 513,5 mln. manat yönəlib.

"Azərbaycan iqtisadiyyatına 300 mlrd dollar pul qoyulub"

Mikayıl Cabbarov, "1995-ci ildən bu il iyulun 1-nə qədər Azərbaycan iqtisadiyyatına 300 milyard ABŞ dolları investisiya qoyulub", - bildirib

Onun sözlərinə görə, bunun yarısı xarici sərmayələrdir: "O cümlədən ölkənin sənaye zonalarına qoyulması nəzərdə tutulan 6,7 milyard dollar investisiyanın 6,3 milyard dolları artıq yatırılıb".

Telegramda Marja.az səhifəsinə abunə olun

APA, Report

15.11.2021 10:57