Trampdan “vurub məhv edin” əmri

Trampdan “vurub məhv edin” əmri

Qlobal neft daşımalarının ən mühüm keçid nöqtəsi olan Hörmüz boğazında İranın mina yerləşdirmə fəaliyyətlərinə qarşı ABŞ-dan ən sərt hərbi cavab siqnalı verilib.

Marja xəbər verir ki, ABŞ Prezidenti Donald Tramp cümə axşamı verdiyi açıqlamada ABŞ Hərbi Dəniz Qüvvələrinə bölgədə mina yerləşdirərkən aşkar edilən hər cür qayıq və ya gəmini “vurub məhv etmək” əmri verdiyini açıqlayıb.

Boğazın təhlükəsiz şəkildə yenidən gəmi hərəkətinə açılması üçün aparılan mina təmizləmə əməliyyatları barədə də məlumat verən Tramp bildirib ki, ABŞ-ın mina axtaran gəmiləri hazırda “adi gücün üç qatına” bərabər tempdə işləyir.

Pentaqon isə mina təmizləmə işlərinin altı ay çəkəcəyi barədə mediaya sızdırılan iddiaları təkzib edərək su yolunun mümkün qədər tez təhlükəsiz hala gətirilməsi üçün bütün texnoloji imkanların səfərbər edildiyini bildirib.

İran ABŞ-ın bölgədə həyata keçirdiyi mina təmizləmə fəaliyyətlərini suverenliyin pozulması kimi qiymətləndirdiklərini və Amerika gəmilərinin marşrutdan kənara çıxacağı halda onlara atəş açılacağını bir daha bəyan edib.

İrandan gəmilərin saxlanılması addımı

Tramp bu açıqlamanı İran İnqilab Keşikçilərinin boğazda kommersiya gəmilərinə qarşı müdaxilələri sərtləşdirməsindən sonra verib. İran qüvvələri son saatlarda MSC Francesca və Epaminondas adlı iki iri ticarət gəmisini saxlayaraq öz limanlarına aparıb.

İran bildirirb ki, ABŞ-ın İran limanlarına tətbiq etdiyi dəniz blokadası davam etdiyi müddətdə boğaz beynəlxalq gəmiçilik üçün açılmayacaq və keçid etməyə çalışan gəmilər hədəfə alınacaq.

İş elanları AzVak.az-da

Hörmüz boğazı Hörmüz boğazı gərginlik Hörmüz boğazı neft daşımaları qlobal neft tədarükü riskləri Orta Şərq geosiyasi gərginlik ABŞ İran münasibətləri 2026 Hörmüz boğazı mina təhlükəsi dəniz təhlükəsizliyi Hörmüz neft marşrutları təhlükə enerji bazarı riskləri neft qiymətlərinə təsir beynəlxalq gəmiçilik təhlükəsizliyi Donald Trump ABŞ Hərbi Dəniz Qüvvələri əməliyyatları Pentaqon açıqlaması İran İnqilab Keşikçiləri İran ABŞ gərginliyi İran dəniz blokadası ticarət gəmilərinin saxlanılması MSC Francesca gəmisi Epaminondas gəmisi Ormuz boğazı hərbi əməliyyatlar enerji təhlükəsizliyi böhranı

23.04.2026 17:31