Azərbaycanda iqtisadi artım sürətlənib

Azərbaycanda iqtisadi artım sürətlənib

İqtisadi artım tempi 1,3 faizdən 1,6 faizə sürətlənib.

Dövlət Statistika Komitəsi 2025-ci ilin yanvar-noyabr aylarında Ümumi Daxili Məhsul istehsalı barədə məlumatları açıqlayıb.

Marja xəbər verir ki, 2025-ci ilin yanvar-noyabr aylarında ölkədə 116 milyard 320,1 milyon manatlıq və ya əvvəlki ilin eyni dövrü ilə müqayisədə 1,6 faiz çox ümumi daxili məhsul istehsal olunmuşdur. Xatırladaq ki, 2025-ci ilin yanvar-oktyabr aylarında ölkədə 106 milyard 435,4 milyon manatlıq və ya əvvəlki ilin eyni dövrü ilə müqayisədə 1,3 faiz çox ümumi daxili məhsul istehsal olunmuşdu. Beləliklə, Noyabr ayında Azərbaycanda iqtisadi artım tempi sürətlənib.

İqtisadiyyatın neft-qaz sektorunda əlavə dəyər 1,8 faiz azalmış, qeyri neft-qaz sektorunda isə 3,2 faiz artmışdır.

ÜDM istehsalının 34 faizi sənaye, 10,6 faizi ticarət; nəqliyyat vasitələrinin təmiri, 7,2 faizi nəqliyyat və anbar təsərrüfatı, 6,5 faizi tikinti, 6,4 faizi kənd təsərrüfatı, meşə təsərrüfatı və balıqçılıq, 2,8 faizi turistlərin yerləşdirilməsi və ictimai iaşə, 1,9 faizi informasiya və rabitə sahələrinin, 21,1 faizi digər sahələrin payına düşmüş, məhsula və idxala xalis vergilər ÜDM-in 9,5 faizini təşkil etmişdir.

Əhalinin hər nəfərinə düşən ÜDM 11 min 356,4 manata bərabər olmuşdur.

üdümməlumatı azərbaycaniqtisadiyyatı dsq statistika 2025 iqtisadiartım neftqazsektoru qeyrineftsektoru əlavədəyər ümumidaxiliməhsul sənaye sektorpayları ticarət nəqliyyat anbar tkinti kəndtəsərrüfatı ictimaiiaşə informasiya rabitə əhaligəliri adambaşıüdüm noyabrartımı makroiqtisadi göstəricilər Do you like this personality?

11.12.2025 08:59