Türkiyənin turizm gəlirlərində rekord

Türkiyənin turizm gəlirlərində rekord

Türkiyənin turizm gəlirləri 2024-cü ilin ikinci rübündə ötən ilin eyni rübü ilə müqayisədə 11,8% artaraq 14 milyard 875 milyon dollara çatıb. Beləliklə, turizm gəlirlərində ikinci rübün rekordu qırılıb.

Türkiyənin turizm gəlirləri aprel, may və iyun aylarından ibarət olan ikinci rübdə 2023-cü ilin eyni rübü ilə müqayisədə 11,8 faiz artaraq 14 milyard 875 milyon 518 min dollara çatıb. Turizm gəlirlərinin 15,9 faizi xaricdə yaşayan Türkiyəyə səfər edən vətəndaşlardan əldə edilib.

Marja xəbər verir ki, ikinci rübdə xərclənmiş vəsaitin 10 milyard 330 milyon 968 min dollarını şəxsi xərclər, 4 milyard 544 milyon 550 min dollarını isə paket tur xərcləri təşkil edib.

VTB-də minimal faiz dərəcəsi ilə nağd kredit 10.49%-dən

Ziyarətçilərin sayı 15 faiz artıb

Türkiyəyə gələn ziyarətçilərin sayı 2024-cü ilin ikinci rübündə əvvəlki ilin eyni rübü ilə müqayisədə 15% artaraq 16 milyon 97 min nəfər təşkil edib. Ölkəyə səfər edənlərin 14,9 faizi və ya 2 milyon 405 min nəfəri xaricdə yaşayan vətəndaşlar olub.

Bu rübdə Türkiyə səfər edənlərin orta gecəlik xərci 101 dollar olub. Xaricdə yaşayan vətəndaşların bir gecəlik xərci orta hesabla 69 dollar təşkil edib.

Bu rübdə turizm gəlirlərində paket tur xərclərinin payı 30 faiz, qida və içki xərclərinin payı 18,5 faiz, beynəlxalq daşıma xərclərinin payı isə 12,2 faiz təşkil edib. Əvvəlki ilin eyni dövrü ilə müqayisədə paket tur xərcləri 32,5 faiz, qida və içki xərcləri 10,6 faiz, beynəlxalq daşıma xərcləri isə 1,9 faiz artıb.

Ziyarətçilərin 68,1 faizi “səyahət, əyləncə, idman və mədəni fəaliyyətlər” üçün gəliblər.

İkinci yerdə 19,1 faizlə “qohum və dostları ziyarət etmək”, üçüncü yerdə isə 5,4 faizlə “alış-veriş” olub. Xaricdə yaşayan vətəndaşlar isə 66,5 faizlə Türkiyəyə daha çox “qohum və dostları ziyarət etmək” üçün gəliblər.

Bu rübdə xaricə səfər edən Türkiyə vətəndaşların sayı əvvəlki ilin eyni rübünə nisbətən 3 faiz artaraq 2 milyon 963 min 788 nəfərə olub. Onların xərclədiyi vəsait əvvəlki ilin eyni rübü ilə müqayisədə 3,9 azalaraq 1 milyard 955 milyon 807 min dollara düşüb.

31.07.2024 19:04