Avropa İttifaqı liderləri Rusiyaya qarşı yeni sanksiyalarla bağlı razılığa gəliblər

Avropa İttifaqı liderləri Rusiyaya qarşı yeni sanksiyalarla bağlı razılığa gəliblər

Avropa İttifaqına (Aİ) üzv olan ölkələrin liderləri Rusiyaya qarşı almaz ticarətinə qadağa da daxil olacaq 12-ci sanksiyalar paketi ilə bağlı razılığa gəliblər.

Avropa İttifaqı liderləri Rusiyaya qarşı yeni sanksiyalarla bağlı razılığa gəliblər

Brüsseldə keçirilən Avropa İttifaqıı (Aİ) Liderləri Zirvə Toplantısının yekun bəyannaməsinin Rusiyaya qarşı sanksiyalarla bağlı hissəsi jurnalistlərlə paylaşılıb.

Marja.az-ın məlumatına görə, bəyanatda bildirilir ki, Aİ Rusiyaya qarşı sanksiyaları daha da gücləndirmək və onları tam və effektiv şəkildə həyata keçirməkdə qərarlıdır.

"Aİ Şurası 12-ci sanksiya paketinin qəbulunu alqışlayır" deyilən bəyanatda heç bir ölkənin müharibədə Rusiyaya dəstək verməməli olduğu vurğulanıb.

12-ci sanksiya paketinə almaz da daxil olmaqla yeni ixrac qadağaları, Rusiyanın neft gəlirlərini azaltmaq üçün neftin tavan qiymətinin sərtləşdirilməsi tədbirləri və sanksiyalardan yayınma ilə mübarizənin gücləndirilməsi daxildir.

Hələlik tam təfərrüatları açıqlanmayan yeni sanksiyalara yanvarın 1-dən Rusiyadan sənaye təyinatlı olmayan almaz idxalına qadağa da daxildir.

Sanksiyalar Rusiya neftinin qiymət tavanının pozulmasının qarşısını almaq üçün xidmət göstərən şirkətlərə əlavə öhdəliklər müəyyən edir.

Yeni sanksiyaların qüvvəyə minməsi üçün üzv dövlətlərin razılığı tələb olunurdu. Raiffeisen Bank-ın Ukraynanın müharibəyə sponsorluq etdiyi şirkətlər siyahısından çıxarılmasını istəyən Avstriya sözügedən sanksiyalar paketini təsdiqləmirdi.

Aİ indiyədək müharibə səbəbindən Rusiyaya qarşı 11 sanksiya paketi tətbiq edib. Bu kontekstdə Rusiyaya qarşı ticarət, maliyyə, enerji, sənaye, texnologiya, nəqliyyat, dəbdəbəli məhsullar, neft, kömür, qızıl daxil olmaqla geniş məhdudiyyətlər tətbiq edilib.

Digər tərəfdən, Aİ ölkələrinin Rusiyadan dəniz yolu ilə daşınan neftə idxal qadağası və 60 dollarlıq tavan qiymət qərarları 5 dekabr 2022-ci il tarixindən qüvvəyə minib. Bu çərçivədə Rusiya nefti üçüncü ölkələrə müəyyən edilmiş qiymətdən yüksək səviyyədə satılarsa, G7 və Aİ ölkələrindəki şirkətlər bu neftin daşınması, sığortası və brokerliyi kimi müxtəlif xidmətlər göstərə bilməz. Bu xidmətləri göstərmək üçün Rusiya nefti tavan qiymətindən aşağı satılmalıdır.

15.12.2023 08:13

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az