Phantom-un yeni nəsli olan Phantom II Seriya modelini Gürcüstanın Tbilisi şəhərində eksklüziv media qəbulu ilə debüt edib. Tədbiri Rolls-Royce-ın Qafaqazda yeganə dileri olan  "Rolls-Royce Motor Cars Baku" təşkil edib.

Dilerin yaydlığı məlumatda bildirilir ki, Rolls-Royce Phantom lüks dünyasının ən zirvəsində misilsiz bir mövqe tutur. Müştərilərin istəklərinə uyğun olaraq, Phantom II Seriya yalnız yüngül toxunuşlu vizual və estetik təkmilləşdirmələri özündə birləşdirir.

Rolls-Royce Motor Cars-ın Mərkəzi/Şərqi Avropa və Mərkəzi Asiya üzrə korporativ kommunikasiyalar Direktoru Frank Tiemann belə şərh edib: “Rolls-Royce-un debütü ilə regionda davamlı biznes inkişafımız üçün Gürcüstanın əhəmiyyətli rolu vurğulanır. Phantom-un yeni nəsili ilə biz müştərilərimizin bu üstün və dəbdəbəli avtomobildə sevdiyi hər amili saxlamış və diqqətlə qorumuşuq; edilən incə, lakin mənalı təkmilləşdirmələr onların inkişaf edən zövqlərini və tələblərini əks etdirir.”

Məsələn, “Pantheon” radiator barmaqlığında edilən incə həndəsi dəyişiklik “RR Badge of Honour” nişanını və “Spirit of Ecstasy” heykəlciyini ön tərəfdən baxanda daha qabarıq edir. Barmaqlığın özü işıqlandırılır, faralar isə mürəkkəb lazerlə kəsilmiş ulduzlu fənərlər ilə bəzədilib - bu, Phantom-un gecə vaxtı görüntüsünü daha da cəlbedici edir. Yan profil yeni təkər dəsti ilə daha da gücləndirilib. Həmçinin üçbucaq üzlü 3D, frezelənmiş, paslanmayan polad təkər dəsti də mövcuddur. Alternativ olaraq, Phantom 1920-ci illərin Rolls-Royce avtomobillərinin romantikasını xatırladan, həqiqətən də zərif disk çarxı ilə bəzədilə bilər.

Phantom-un dəbdəbəli interyeri demək olar ki, dəyişməz olaraq qalır: sükan çarxı bir qədər qalınlaşdırılıb, bu da sahibi-sürücü üçün daha rahat əlaqə nöqtəsini təmin edir.

Phantom və Phantom Extended iki fərqli xarakterə malikdir. Phantom sürücülük oturacağında özləri olmaq istəyən müştərilər tərəfindən seçilir. Arxa oturacaqdan yolu idarə etməyə üstünlük verənlər üçün isə Phantom Extended tam super-dəbdəbəli sürücü ilə idarə olunan təcrübə təklif edir.

Hər bir Phantom, müştərilərin fərdi üslubunu və xarakterini əks etdirən “Bespoke” fərdiləşdirmə üçün “boş kətan” rolunu oynayır.

Tədbirə Qafaqazda yeganə Rolls-Royce dileri olan Rolls-Royce Motor Cars Baku ev sahibliyi etdi. Improtex Motors şirkətinin baş direktoru Bayram Yaqubov vurğuladı: “Markanın zirvə məhsulu kimi Phantom Rolls-Royce müştərilərinin elit təbəqəsini cəlb edir. Müvəffəqiyyətli, öz sahələrində ən yüksəkdə olan qətiyyətli və tələbkar xarakterə malik insanlardı. Phantom həmişə müştərinin istədiyi kimi olub; təkcə “dünyanın ən yaxşı avtomobili” deyil, həm də onlar üçün ən yaxşı avtomobil”.

Rolls-Royce Motor Cars Baku:

Ünvan: Əbdülkərim Əlizadə küç.5, Bakı

www.rolls-roycemotorcars.az

Instagram: @rollsroycecarsbaku