Azərbaycanda Lexus avtomobillərini satan şirkət ixraca başlayıb - 14,9 MİLYON DOLLARLIQ İXRAC

Azərbaycanda Lexus avtomobillərini satan şirkət ixraca başlayıb - 14,9 MİLYON DOLLARLIQ İXRAC

Azərbaycanda Lexus avtomobillərini satan şirkət ixraca başlayıb - 14,9 MİLYON DOLLARLIQ İXRAC

İqtisadi İslahatların Təhlili və Kommunikasiya Mərkəzi (İİTKM) “İxrac icmalı”nın iyun sayını dərc edib.

Marja.az xəbər verir ki, “İxrac icmalı”nda qeyri-neft sektoru üzrə 2023-cü ilin yanvar-may aylarında (ilk 5 ayda) həyata keçirilmiş ixracla bağlı həm qeyri-dövlət, həm də dövlətə məxsus ixracatçı subyektlərin reytinqi təqdim olunub.

2023-cü ilin yanvar-may ayları üzrə hazırlanan qeyri-dövlət ixracatçı subyektlərin reytinqininin ilk onluğunda “Lexus-Bakı” MMC də təmsil olunurlar.

“Lexus-Bakı” MMC şirkəti 14,9 milyon dollarlıq (25,33 milyon manat) ixrac ilə qeyri-dövlət ixracatçı subyektlərin reytinqində 9-cu yerdədir. Ötəni ilin ilk 5 ayında “Lexus-Bakı” MMC-nin ixracı olmamışdı.

“Lexus-Bakı” MMC Lexus brendinin Azərbaycanda rəsmi dileridir. 2010-cu ildə dövlət qeydiyyatına alınmış şirkətin hüquqi ünvanı Bakı şəhəri, Xətai rayonu, Fəzail Bayramov, ev 26, Direktoru Qafarlı Pərvizdir. F. Bayramov küç., 33A ünavnında Lexus Bakı Mərkəzi fəaliyyət göstərir.

“Lexus-Bakı” MMC-nin rəhbərliyi ilə əlaqə saxladıq, lakin qeyri-iş günü olduğundan telefon zənglərimizə cavab verilmədi. “Lexus-Bakı” MMC-nin bu il ixrac gəliri əldə etməsi avtomobillərin və ehtiyat hissələrinin təkrar ixracı ilə bağlı ola bilər. Rusiya Ukrayanın ərazilərini işğal etdikdən sonra bir çox beynəlxalq avtomobil şirkətləri Rusiyaya birbaşa satışı dayandırıblar. Hazırda Rusiyada fəaliyyət göstərən əksər dilerlər avtomobilləri dost ölkələrdə fəaliyyət göstərən dilerlər vasitəsilə idxal edirlər.

Dövlət Gömrük Komitəsinin məlumatına görə, 2023-cü ilin ilk 5 ayında Azərbaycandan 58 milyon 458 min dollarlıq yerüstü nəqliyyat vasitələri və onların hissələri ixrac olunub. Ötən ilin eyni dövründə bu qrup üzrə malların ixracı 2 milyon 553 min dollar idi. Tam 2022-ci il ərzində isə Azərbaycandan 42 milyon 717 min dollarlıq "Yerüstü nəqliyyat vasitələri (dəmiryolu və tramvay nəqliyyat vasitələrindən başqa), onların hissələri və ləvazimatları ixrac olunmuşdu.

26.06.2023 16:50

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az