Qeyri-sabit hava şəraiti iyunun 3-ü gündüzədək davam edəcək

Qeyri-sabit hava şəraiti iyunun 3-ü gündüzədək davam edəcək

Qeyri-sabit hava şəraiti iyunun 3-ü gündüzədək davam edəcək

İyunun 01-də gün ərzində yağan yağış gecəyə doğru tədricən kəsilib.

Milli Hidrometeorologiya Xidmətindən verilən xəbərə görə, İyunun 02-si saat 09:00-a olan məlumata əsasən ölkə ərazisində hava şəraiti sabit, əsasən yağmursuzdur. Cənub-şərq küləyi əsir.

VTB-də minimal faiz dərəcəsi ilə nağd kredit 9.9%-dən

Havanın temperaturu Bakıda və Abşeron yarımadasında 20-23° isti, aran rayonlarında 24-26° isti qeydə alınıb.

İyunun 02-də günün birinci yarısında ölkə ərazisində hava şəraiti əsasən yağmursuz keçsə də, lakin günün ikinci yarısından bəzi yerlərdə yağış yağacağı gözlənilir. Əsasən Qazax-Gəncə, Balakən-Şəki, Quba-Xaçmaz, Lənkəran-Astara zonasında yağışın leysan xarakterli intensiv olacağı, şimşək çaxacağı, dolu düşəcəyi ehtimalı var. Gözlənilən yağıntılarla əlaqədar çaylarda sululuğun artacağı istisna olunmur.

Ölkə ərazisində müşahidə olunan qeyri-sabit hava şəraiti iyunun 03-ü gündüzədək davam edəcək.

Ötən gecə Qarasuçayda suyun səviyyəsi 35 sm, Kürdə 71 sm artıb

“2 iyun saat 9-a əsasən, gecə saatlarında yağan yağışların nəticəsində respublikanın bəzi çaylarında sululuğun artımı müşahidə olunub”.

Bu barədə Milli Hidrometeorologiya Xidmətinin Hidrologiya Mərkəzinin direktoru Asif Verdiyev bildirib.

Onun sözlərinə görə, Masallı rayonunun ərazisindən axan Viləşçayda suyun səviyyəsi 3 sm, Tovuz rayonu ərazisindən axan Zəyəmçayda 2sm, Göygöl rayonu ərazisindən axan Gəncəçayda isə 2 sm artım müşahidə olub.

“Gecə saatlarında yağan yağışlar nəticəsində Türyançay və Göyçay çaylarında suyun səviyyəsinin kəskin artması nəticəsində Zərdab rayonu ərazisindən axan Qarasuçayda suyun səviyyəsi 35 sm artıb və bunun nəticəsində Kür çayının Zərdab məntəqəsində də suyun səviyyəsində 71 sm artım müşahidə olunub. Yaxın günlər ərzində Kür çayının aşağı axınında suyun səviyyəsinin artımı gözlənilir”, - o deyib.

02.06.2023 09:41