Azərbaycanda cinayət məsuliyyətinə cəlb olunanların 63%-i oxumayan və işləməyənlərdir

Azərbaycanda cinayət məsuliyyətinə cəlb olunanların 63%-i oxumayan və işləməyənlərdir

Azərbaycanda cinayət məsuliyyətinə cəlb olunanların 63%-i oxumayan və işləməyənlərdir

2022-ci ildə Azərbaycanda 24432 nəfər cinayət törətmiş şəxs müəyyən edilmiş, 19069 nəfər isə cinayət məsuliyyətinə cəlb olunmuşdur.

Marja.az xəbər verir ki, bu barədə Dövlət Statistika Komitəsinin aylıq hesabatında bildirilir.

Qeyd edilib ki, cinayət məsuliyyətinə cəlb olunmuşların 63,4 faizi əmək qabiliyyətli yaşda olub heç bir yerdə oxumayan və işləməyənlər, 25,5 faizi əvvəllər də cinayət törətmiş şəxslərdir.

Cinayət törətmiş şəxslərin arasında qadınların xüsusi çəkisi 5 faiz, 14-17 yaşda olan uşaqların xüsusi çəkisi isə 1,8 faiz təşkil etmişdir.

2021-ci illə müqayisədə cinayət törətmiş qadınların sayı 5,1 faiz, 14-17 yaşda olan uşaqların sayı isə 24,1 faiz artmışdır.

Ötən il ərzində qadınlara qarşı törədilmiş cinayətlərin sayı 19,3 faiz, yetkinlik yaşına çatmayanlara qarşı törədilmiş cinayətlərin sayı isə 18,4 faiz artmışdır.

2022-ci ildə qeydə alınmış cinayət hadisələrinin 10665-i və ya 29,2 faizi narkotik vasitələrin və psixotrop maddələrin qanunsuz dövriyyəsi ilə əlaqədar olmuşdur.

Azərbaycan Respublikası Daxili İşlər Nazirliyinin məlumatlarına əsasən, 2022-ci il ərzində ölkədə 36494 cinayət hadisəsi qeydə alınmışdır ki, bu da 2021-ci ilin göstəricisindən 17,2 faiz çoxdur. Ötən il əhalinin hər 100 min nəfərinə 361 cinayət hadisəsi düşmüş, onların da 59,6 faizini az ağır, 23,8 faizini böyük ictimai təhlükə törətməyən, 16,6 faizini isə ağır və xüsusilə ağır cinayətlər təşkil etmişdir. Cinayətlərin strukturunda 15142 hadisə ictimai təhlükəsizlik və ictimai qayda əleyhinə olan, 14500 hadisə iqtisadi sahədə, 5388 hadisə şəxsiyyət əleyhinə, 1443 hadisə dövlət hakimiyyəti əleyhinə olan (onlardan 487 hadisə korrupsiya cinayətləri və qulluq mənafeyi əleyhinə olan digər cinayətlər), 21-i isə digər cinayətlərdir.

22.02.2023 12:57