Qoldman: Zəlzələnin Türkiyəyə xərci ÜDM-nin 1%-indən az ola bilər

Qoldman: Zəlzələnin Türkiyəyə xərci ÜDM-nin 1%-indən az ola bilər

Qlobal investisiya bankı "Goldman Sachs"ın iqtisadçıları qeyd ediblər ki, zəlzələlərin Türkiyənin infrastrukturuna və ümumi iqtisadiyyatına dəyən zərəri müəyyənləşdirmək hələ tezdir, lakin əvvəlki zəlzələlərdən əldə edilən məlumatlara əsasən demək olar ki, iqtisadi artıma təsiri kiçik ola bilər.

Qoldman: Zəlzələnin Türkiyəyə xərci ÜDM-nin 1%-indən az ola bilər

Qlobal investisiya bankı "Goldman Sachs"ın iqtisadçıları tərəfindən hesabat hazırlanıb.

Marja xəbər verir ki, hesabatda bildirilir:

“1999-cu il Mərmərə zəlzələsi indiki zəlzələdən üç dəfə çox olan bir bölgəyə təsir etdi. Akademik araşdırma həmin zəlzələnin xərcinin (təsirinin) ümumi daxili məhsulun (ÜDM) 1,2 faizini təşkil etdiyini ortaya qoydu. Bu nəticələri və regionun ölkənin iqtisadi artımdakı payını nəzərə alaraq hesablayırıq ki, ötən həftə baş verən zəlzələnin ÜDM-ə təsiri 1 faizdən xeyli aşağı ola bilər".

Türkiyə iqtisadiyyatının həcmi təxminən 900 milyard dollar civarındadır.

Hesabatda, ölkənin yardım və yenidənqurma işlərini təşkil etmək gücü olduğu müddətdə zəlzələnin iqtisadi artıma təsirinin uzunmüddətli perspektivdə görüləcəyi təxmin edilir.

“Keçmişdə oxşar sarsıntılara verilən reaksiyalara əsaslansaq, Türkiyənin institusional imkanlarının cavab vermək üçün kifayət etməyəcəyini düşünmək üçün heç bir əsas görmürük”, - deyə hesabatda qeyd olunub.

Risklər varsa, onlar daha çox maliyyələşdirmə tərəfinə aiddir. Türkiyənin xarici resurslara çıxışı B bazar maliyyələşdirmə reytinqinə malik ölkə kimi məhduddur. Həmçinin bu il çox kritik bir seçki nəzərdə tutulur. Buna görə də, zəlzələnin təsirini yumşaltmaq üçün həm dövlət maliyyəsi, həm də özəl sektorun yardımı mühüm əhəmiyyət kəsb edəcək”.

13.02.2023 17:38

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az