"PAŞA Həyat" və "PAŞA Holding"in dəstəyilə bədii-musiqili kompozisiya təqdim edildi - “Qəhrəman Övladıyıq”

Vətən müharibəsi Şəhidinin həyat yoldaşı bəstələdiyi mahnıya klip şəkilib - VİDEO

"PAŞA Həyat" və "PAŞA Holding"in dəstəyilə bədii-musiqili kompozisiya təqdim edildi - “Qəhrəman Övladıyıq”

7 noyabr tarixində "PAŞA Həyat" və "PAŞA Holding" şirkətlərinin birgə təşkilatçılığı və “Zəfər” Şəhid Ailələrinə Dəstək İctimai Birliyinin dəstəyilə "Qəhrəman Övladıyıq" adlı Şəhidlərə həsr olunmuş bədii kompozisiyasının təqdimat mərasimi baş tutub.

Zəfərin ikinci ildönümü ərəfəsində ərsəyə gələn layihə çərçivəsində Vətən müharibəsi Şəhidinin həyat yoldaşının bəstələdiyi mahnıya ifaçılar Vətən uğrunda canını qurban verən şəhidlərimizin övladları olub.

Təqdimat zamanı “PAŞA Həyat” şirkətinin Korporativ Kommunikasiya şöbəsinin müdiri Vəli Məmmədov layihə haqda qısa məlumat verib, “PAŞA Holding” və “PAŞA Həyat” şirkətlərinin bu mövzuya olan diqqətindən danışıb.

Daha sonra layihə rəhbəri Məryam Xanım Abasaliyeva layihənin yaranma tarixi və detalları haqda bəhs etdi. Bundan savayı, tədbirdə rəsmi qonaqlar arasında Azərbaycan Respublikası İnsan Hüquqları üzrə Müvəkkili (Ombudsman) Sabinə Əliyeva, millət vəkili Ceyhun Məmmədov, Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva, Qaçqınların və Məcburi Köçkünlərin İşləri üzrə Dövlət Komitəsinin sədr müavini Fuad Hüseynov, Dövlət Məşğulluq Agentliyinin Mərkəzi Monitorinq və Qiymətləndirmə flialın müdiri Elnur Əliyev və “Zəfər” Şəhid Ailələrinə Dəstək İctimai Birliyinin sədri Sevinc Əlizadə iştirak və çıxış ediblər.

Tədbirin sonunda şəhidlərə həsr olunmuş unikal vahid fotobank nümayiş olunub. www.Karabakhlife.az saytı vasitəsilə hər bir istifadəçi həm məlumatları əldə edə, həm də platformada mövcud olan məlumatları zənginləşdirə bilər.

Qeyd edək ki, sözügedən layihələr “PAŞA Holding” və “PAŞA Həyat” şirkətlərinin əməkdaşlığı nəticəsində ərsəyə gəlib.

Şəhidlər bizim həm nisgilimiz, kədərimiz, ürək ağrımız, həm də qürurumuz, vüqarımız, fəxrimiz, ölməzliyimiz, örnəyimizdir!

Zəfəri bizə bəxş edənlərə ithaf olunmuş həmin bədii-musiqili kompozisiyanı şirkətin rəsmi sosial səhifəsindən izləyə bilərsiniz:

08.11.2022 09:51

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az