"Kinder"dən sonra "Oreo"da salmonella şübhəsi - 3 İSTEHSAL SAHƏSİ BAĞLANIB

"Kinder"dən sonra "Oreo"da salmonella şübhəsi - 3 İSTEHSAL SAHƏSİ BAĞLANIB

"Kinder"dən sonra "Oreo"da salmonella şübhəsi - 3 İSTEHSAL SAHƏSİ BAĞLANIB

"Oreo", "Mikado" və "Pepito" məhsullarının istehsalçısı olan ABŞ-ın "Mondelez" şirkətinin salmonella bakteriyası ehtimalı səbəbilə 3 istehsal sahəsini bağladığı bildirilir.

Marja.az "Le Figaro"nun xəbərinə itinadən xəbər verir ki, İsveçrənin kakao və şokolad istehsalçısı "Barry Callebaut", "Mondelez"ə məhsullarında salmonella bakteriyası olma ehtimalı ilə bağlı xəbərdarlıq edib.

Xəbərdə, "Ferrero"nun "Kinder" məhsulları ilə ortaya çıxan salmonella qalmaqalının oxşarının yaşanmaması üçün "Mondelez"in "Oreo" peçenyelərinin də istehsal olunduğu 3 böyük istehsal sahəsində bəzi bölmələri qismən bağladığı bildirilib.

Şirkət rəhbərlərinin bağlanma səbəbini “böyük təmizlik” olaraq iddia etdiyi xəbərdə, əsas səbəbin salmonella xəbərdarlığı olduğu qeyd olunub.

Ekspertlərin fikrincə, istehsal şirkətləri daha çox qazanc əldə etmək üçün ucuz xammallar alırlar

Xəbərdə istehsalın yavaşlaması səbəbindən bazarlarda sözügedən peçenyelərdə tədarük qıtlığının yaşandığı diqqətə çatdırılıb. Bundan əlavə, şirkətin fəaliyyətini dayandırdığı fabriklərdə yenidən istehsala başlamağın xeyli vaxt aparacağı qeyd edilir.

Qida mütəxəssisləri son vaxtlar istehlak məhsullarında salmonella və buna bənzər bakteriyaların ortaya çıxmasını istehsalçıların "daha qənaətcil" olmaq üçün ucuz xammalara müraciət etmələrilə əlaqələndirirlər.

Fransada "Nestle" şirkətinə aid "Buitoni" pizzalarında, Avropanın bir çox ölkəsində "Ferrero" qrupuna aid "Kinder" şokoladlarında və "Lactalis" qrupuna aid pendirlərdə bakteriya olması səbəbindən bu məhsulların böyük hissəsini bazardan geri çağrılmışdı.

Ümumdünya Səhiyyə Təşkilatının məlumatına görə, şokolad məhsulları ilə bağlı dünyada 151 salmonella infeksiyası var.

29.08.2022 13:26

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az