"Veysəloğlu" ilk 6 ayda fermerlərdən 4,7 milyon manatlıq meyvə-tərəvəz alıb

"Veysəloğlu" ilk 6 ayda fermerlərdən 4,7 milyon manatlıq meyvə-tərəvəz alıb

"Veysəloğlu" ilk 6 ayda fermerlərdən 4,7 milyon manatlıq meyvə-tərəvəz alıb

Veysəloğlu Şirkətlər Qrupu hazırda 91 fermerin məhsulunu öz mağazalarında müştərilərə təqdim edir. İlin ilk 6 ayı ərzində təqribən 4,7 milyon manat dəyəri olan 5,800 tonluq meyvə-tərəvəz çeşidinin fermerlərdən alışı baş tutub.

Marja xəbər verir ki, bunu Veysəloğlu Şirkətlər Qrupunda meyvə-tərəvəzin satın alınması üzrə rəhbər Sərdar Ceylan bildirib.

VTB-də minimal faiz dərəcəsi ilə nağd kredit 9.9%-dən

Onun sözlərinə görə, 100-ə yaxın əkin sahəsində isə fermerlərlə əməkdaşlıq imkanları müzakirə edilib. Artıq növbəti mövsüm üçün razılıq əldə olunub, bu isə istehsalçının məhsul əkinini düzgün planlaşdırmasına kömək edir, satılmayan məhsulun israfının qarşısını alır.

Şirkətlər Qrupu logistik əməliyyatların effektiv təşkili üçün ilkin mərhələdə kartof və soğanın qəbulu və saxlanılması məqsədilə Mingəçevir və Salyanda yerli saxlama məntəqələri yaradıb. 2022-ci ildə isə “Şəmkir Aqroparkı”nda Veysəloğlu Şirkətlər Qrupu üçün xüsusi məhsul qəbulu məntəqəsinin yaradılması həmin regiondakı kəndlinin işini asanlaşdırıb. Belə ki, artıq istehsalçının məhsulunu satmaq üçün vaxt və pul sərf edərək Bakıya gəlməsinə ehtiyac yoxdur. Məhsullar “soyuq zəncir” standartları tətbiq edilməklə ölkə daxilindəki bütün “Araz” və “OBA” mağazalarına çatdırılır. Bununla da təbii məhsulları alıcılara həqiqətən münasib qiymətə təklif etməyə imkan yaranır. İstehlakçılar xüsusilə kartof, soğan, sarımsaq, kök, kələm, çuğundur, alma, şaftalı, gilas, gavalı və çiyələk növləri üzrə qiymət və yerli dad fərqini rahatlıqla anlaya bilərlər.

Öz məhsullarının Veysəloğlu Şirkətlər Qrupuna daxil olan “Araz” və “OBA” mağazalarında birbaşa satılmasını istəyən fermerlər +994559002424 nömrəsi ilə əlaqə saxlamağa dəvət olunur.

15.07.2022 10:47