Gömrük Komitəsi yeni binasının tikintisinə milyonlar xərcləyir - 4,6 MİLYON MANATLIQ YENİ MÜQAVİLƏ

Gömrük Komitəsi yeni binasının tikintisinə milyonlar xərcləyir - 4,6 MİLYON MANATLIQ YENİ MÜQAVİLƏ

Gömrük Komitəsi yeni binasının tikintisinə milyonlar xərcləyir - 4,6 MİLYON MANATLIQ YENİ MÜQAVİLƏ

Dövlət Gömrük Komitəsi Azərbaycan Respublikası Dövlət Gömrük Komitəsinin yeni inzibati binasının telekommunikasiya, rabitə, mühafizə və təhlükəsizlik sistemlərinin quraşdırılması üzrə işlərin həyata keçirilməsi ilə əlaqədar mal iş və xidmətlərin satın alınması ilə bağlı keçirdiyi tenderi yekunlaşdırıb.

Marja xəbər verir ki, qalib şirkət "FF Construction" MMC-dir.

Komitə qalib şirkət ilə 4 milyon 585 min 707 manat olan müqavilə imzalayıb.

Ötən ilin Oktyabr ayında, Azərbaycan Respublikasının Dövlət Gömrük Komitəsi "Azərbaycan Respublikası Dövlət Gömrük Komitəsinin yeni inzibati binasının isitmə-soyutma, ventilyasiya, kondisionerləşdirmə, su təchizatı, kanalizasiya, avtomatik yanğınsöndürmə sistemlərinin, qazanxananın və nasosxananın quraşdırılması üzrə işlərin həyata keçirilməsi ilə əlaqədar mal iş və xidmətlərin satın alınması" üzrə keçirdiyi tenderi yekunlaşdırmışdı. Tenderin qalibi "ALFA-R ENGİNEERİNG" MMC olmuşdu. Komitə qalib şirkət ilə məbləği 9 milyon 428 min 200 manat olan müqavilə imzalamışdı.

HƏMÇİNİN OXU: Dövlət Gömrük Komitəsi bahalı bina tikdirir - 30 MİLYONLUQ YENİ MÜQAVİLƏ

Bundan əvvəl, yeni inzibati binanın fasadının üzlənməsi "FF Construction" MMC şirkətinə sifariş olunmuşdu. Bu şirkət ilə məbləği 7 milyon 576 min 421 manat olan müqavilə bağlanmışdı.

Həmçinin Dövlət Gömrük Komitəsinin yeni inzibati binasının tikintisi üzrə bir sıra işlər “Progress” Sənaye İstehsalat Şirkətinə həvalə olunmuşdur. Bu şirkət ilə məbləği 30 milyon manatlıq, 1 milyon 92 min manatlıq və 1 milyon 332 min manatlıq olmaqla cəmi 32 milyon 424 min manatlıq müqavilələr imzalanıb.

Yeni inzibati binasının tikintisi üzrə yuxarıda adları çəkilən 3 şirkət ilə bağlanılmış müqavilələrin cəmi məbləği 54 milyon manatı aşıb.

HƏMÇİNİN OXU: Gömrük Komitəsindən yeni bina üçün 9,4 milyon manatlıq sifariş

31.03.2022 12:34

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az