Dünyanın ən böyük müstəqil neft ticarəti şirkəti hesab edir ki, 2022-ci ildə artıq 12 faiz artmış neft qiymətləri kifayət qədər təchizat olmadığı üçün daha da yüksələ bilər.

Marja xəbər verir ki, ekspertlərin neftlə bağlı ötən ildən artan artım gözləntisi davam edir. Omikronun yoluxma sürətinə baxmayaraq, neft son 4 həftəni istehlakın güclü qalması ilə müsbətdə bağlayıb. Digər tərəfdən, dünyanın ən böyük istehsalçı ölkələrinin hasilatı artırmaqda çətinlikləri də qiymətlərin artmasına səbəb olur.

Bu il 12% bahalaşaraq 87 dolları keçən Brent nefti, keçən ildən bu yana ümumi artımını 50 faizə yüksəldib.

"Bu qiymətlər olduqca ədalətlidir" - deyən "Vitol Group"un Asiya üzrə meneceri Mike Muller, mövcud vəziyyətdə qısamüddətli müqavilələrin uzunmüddətli müqavilələrdən daha bahalı olmasının ağlabatan olduğunu deyib.

Müllerin sözlərinə görə, təbii qaz qiymətlərinin çatdığı səviyyə Pakistan və Avropada sənaye istifadəçilərinin istehlakını azaltsa da, neft bazarı hələ o həddə çatmayıb.

Dubayda yerləşən "Gulf Intelligence" tərəfindən təşkil edilən bir vebinarda danışan Muller, təbii qazdakı mövcud vəziyyətin "istehlakçıların bahalı enerjini bir noqtəyə qədər istifadə edəcəklərini xatırladır" şərhini edib və "Əsl sual neft bazarında bu təsirin nə vaxt işə düşəcəyidir" deyib.

Ağ Evin böyük ehtimalla noyabr ayında açıqladığı, Strateji Neft Ehtiyatlarından satışa çıxaracağı 50 milyon barreli artıracağını bildirən Müller, Co Baydenin bu addımı atarkən benzin qiymətlərindəki artımı dayandırmağı hədəflədiyini, lakin qiymətlərin son 7 ilin zirvəsinə çatdığını söyləyib.

Çinin Covid-19-a sıfır tolerantlıq siyasətinə toxunan Müller, bu təcrübənin ölkədə böyük bir epidemiyanın qarşısını alacağını, buna görə də neft istehlakında ciddi azalma gözləmədiklərini bildirib.

"Biz Çində tələblə bağlı problem görmək fikrindən uzağıq" deyən Müller, "Məlumatlar hələ də proqnozun yaxşı olduğunu göstərir",- bildirib.

Həmçinin oxu

Neftin bir barelinin 200 dollara qədər bahalaşacağı proqnozlaşdırılır