Neftin bir barelinin 200 dollara qədər bahalaşacağı proqnozlaşdırılır

Neftin bir barelinin 200 dollara qədər bahalaşacağı proqnozlaşdırılır

Ən uğurlu əmtəə hedcinq fondu menecerlərindən biri olan Doug King bildirib ki, neft qiymətləri hasilata kifayət qədər sərmayə qoyuluşu olmadığından daha da yüksələcəkdir.

Marja xəbər verir ki, 2008 və 2014-cü illərdə neft qiymətlərinin çökməsini "təxmin edən" və 2020-ci ildə kotirovkaların sıfırdan aşağı düşməsindən yararlana bilən Kingin fikrincə, yaxın gələcəkdə bir barel 100 dollara, üfüqdə isə (qarşıdakı beş ildə) 200 dollara qədər bahalaşa bilər.

King "Bloomberg"ə müsahibəsində bildirib ki, əmtəə qiymətlərinin qalxması təklif yönlü problemlərlə bağlıdır və 1970-ci illərdən bəri ən pis vəziyyət olacaq.

King qeyd edir ki, OPEC+ ölkələri gündəlik hasilat kvotasını hər ay 400 min barel artırsalar da, “əslində bazara daha az neft daxil olur”. Dekabrda kartelin hasilatı sutkada cəmi 250 min barel artıb.

Ən böyük istehsal edən ölkələrdən yalnız Səudiyyə Ərəbistanı, Birləşmiş Ərəb Əmirlikləri və Küveytin ehtiyat hasilat gücü var. Ər-Riyad sutkada 10,1 milyon barel neft hasil edir, Rusiya ilə qiymət müharibəsi zamanı hasilatı 12 milyon barelə çatdırdı və nəzəri olaraq ən çoxu 13 milyon barel hasil edə bilər.

Kinq bildirib ki, dünyanın ikinci ən böyük neft istehsalçısı olan Rusiya bazarı daha çox xammalla təmin edə bilmir. Rusiyanın OPEC+ kvotası hər ay gündəlik 100 min barel artdığı halda, noyabrda neftçilər bu həcmin yalnız yarısını istifadə edə biliblər, dekabrda isə hasilat gözlənilmədən azalıb.

“Heç kimə sirr deyil ki, Rusiya öz zirvəsindədir və ya ona yaxındır. Aprelə qədər bazara çıxarmaq üçün daha çox əlavə barelləri olmayacaq”, - King deyir.

17.01.2022 10:07

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az