"Optimal Elektronika" 2,5 milyon manat cəlb edir - İSTİQRAZ BURAXIR, ŞƏRTLƏR

"Optimal Elektronika" istiqraz yerləşdirərək investorlardan 2,5 milyon manat cəlb edir. Şirkət 12% gəlir təklif edir.

"Optimal Elektronika" 2,5 milyon manat cəlb edir - İSTİQRAZ BURAXIR, ŞƏRTLƏR

19 noyabr 2021-ci il tarixində Bakı Fond Birjasının (BFB) Listinq Komitəsinin qərarı ilə "Optimal Elektronika" MMC-nin ümumi dəyəri 2,5 milyon manat olan istiqrazları standart bazar seqmentində listinqə daxil edilmişdir.

Birjadan Marja-ya daxil olmuş məlumata görə, 23 noyabr 2021-ci il tarixində "Optimal Elektronika" MMC-nin istiqrazlarının yerləşdirilməsi Bakı Fond Birjasında birqiymətli hərrac üsulu ilə həyata keçiriləcəkdir.

Yerləşdiriləcək həcm hər birinin nominal dəyəri 1 min manat olan 2 min 500 ədəd faizli təmin edilməmiş sənədsiz istiqrazlardan ibarətdir. İllik faiz dərəcəsi 12%, tədavül müddəti 18 aydır. Kupon faizlərihər 6 aydan bir ödəniləcəkdir.

Yerləşdirmə üzrə anderrayter “AzFinance İnvestisiya Şirkəti” QSC-dir. Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər.

"Optimal Elektronika" MMC istiqrazların 2-ci buraxılışını da nəzərdə tutur. İkinci buraxılışın da hər birinin nomianal dəyəri 1 min manat olan 2500 ədəd istiqrazdan ibarət olması planlaşdırılır.

Qeyd edək ki, "Optimal Elektronika" MMC 100% Əsgərov Əhəd Tofiq oğluna məxsusdur.

“Optimal Elektronika” MMC 1997-ci ildə yaranmışdır. Hazırda “Optimal Elektronika” 78 filialı, 6 Servis Mərkəzi və böyük işçi qüvvəsi ilə Azərbaycanın bütün ərazilərində xidmət göstərməkdədir. Şirkət Azərbaycanda Bosch, Samsung, Vestel, Sony, LG, AEG, Sharp, Philips, Huawei, Gorenje, Simfer, Babyliss, Braun, Carrier, Beurer, Delonghi, Pfaff, Singer, JBL, Maxwell, Addison, Mikado, Everest, Remington, Tognana, Kenwood, Karcher, Vitek, S-link, Rampage, Snopy, Zanussi, Russell Hobbs, Aldora brendlərinin rəsmi tərəfdaşıdır.

İstiqrazlarla bağlı məlumatlar aşağıdakı kimidir: