"Azərbaycan və Gürcüstan arasında siyasi əlaqələrin gücləndirilməsi bütün region üçün önəmlidir"

"Azərbaycan və Gürcüstan arasında siyasi əlaqələrin gücləndirilməsi bütün region üçün önəmlidir"

"Azərbaycan və Gürcüstan arasında siyasi əlaqələrin gücləndirilməsi bütün region üçün önəmlidir"

İki qardaş ölkə olan Azərbaycan və Gürcüstan arasında siyasi dialoq həmişə fəal olub və indi də fəal olmaqda davam edir. Biz xarici siyasətlə bağlı məsələlərdə sıx əməkdaşlıq edirik, xüsusilə indi yeni çağırış və imkanlar olan regionumuzda.

Bu fikirləri Azərbaycan Prezidenti İlham Əliyev ölkəmizdə səfərdə olan Gürcüstanın Baş naziri İrakli Qaribaşvili ilə görüşündə söyləyib.

VTB-də yüksək depozit faizləri daha çox qazandırır

Dövlətimizin başçısı deyib: “Ölkələrimiz arasında siyasi əlaqələrin gücləndirilməsi nəinki təkcə bizim xalqlarımız üçün, eyni zamanda, bütün region üçün önəmlidir. Mən bəzi məlumatlara nəzər saldım və gördüm ki, iqtisadi inkişaf sahəsində bizdə yaxşı irəliləyiş var, ticarət dövriyyəsi artır. Bu gün hökumətlərarası komissiyanın iclası olacaq. Mən əminəm ki, bu iclasda bir çox mühüm sahələr əhatə olunacaq, görülmüş işlərə nəzər salınacaq və gələcək addımlarımız planlaşdırılacaq”.

Prezident İlham Əliyev Gürcüstandakı çox müsbət investisiya mühitinin, bir çox sosial və iqtisadi məsələləri həll etməyə imkan verən iqtisadi islahatlar məmnunluq doğurduğunu qeyd edib, dost və qardaş olaraq bu inkişaf proseslərini görməyə çox şad olduğunu vurğulayıb.

“Əlbəttə ki, biz bu gün neft və qaz, elektrik enerjisi, nəqliyyat sahələri kimi əməkdaşlığımızın ənənəvi sahələri haqqında da danışacağıq. Bunlar artıq həyata keçirilmiş layihələrdir və indi biz bu layihələrin faydasını görürük. Bu, bizim ölkələrimiz arasında əməkdaşlığın çox xüsusi formatını yaradıb. Çünki bu layihələr təkcə bizim ölkələrimiz üçün deyil, Avrasiya regionunda bir çox ölkələr üçün əhəmiyyət kəsb edir. Əminəm ki, bugünkü səfər əməkdaşlığımıza yeni təkan verəcək”, - deyə Azərbaycan Prezidenti bildirib .

29.09.2021 16:10

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az