“Ziraat Bank Azərbaycan” ASC 2026-cı ilin yanvar-sentyabr aylarını 20 milyon 957,6 min manat xalis mənfəətlə başa vurub. Bu, 2025-ci ilin eyni dövrü ilə müqayisədə 2 milyon 595 min manat və ya 14,1% çoxdur.

Marja.az xəbər verir ki, bu barədə bankın 30 sentyabr 2026-cı il tarixinə açıqladığı maliyyə hesabatlarında bildirilir.

Hesabatlara əsasən, bankın faiz gəlirləri, əməliyyat mənfəəti, aktivləri, kredit və depozit portfelləri artıb. Bununla yanaşı, faiz xərclərinin sürətli yüksəlməsi və mümkün zərərlər üzrə ehtiyatlara ayırmaların artması xalis mənfəətin artım tempini məhdudlaşdırıb. 

Faiz gəlirləri 48% artıb, faiz xərcləri isə 70% yüksəlib

2026-cı ilin ilk 9 ayında “Ziraat Bank Azərbaycan”ın faiz gəlirləri 83 milyon 165,1 min manat təşkil edib. Ötən ilin eyni dövründə bu göstərici 56 milyon 275 min manat olub. Beləliklə, bankın faiz gəlirləri 26 milyon 890,1 min manat və ya 47,8% artıb.

Faiz gəlirlərinin əsas hissəsi kreditlər üzrə daxilolmaların payına düşüb. Bankın kreditlər üzrə faiz gəlirləri 43 milyon 364,6 min manatdan 66 milyon 430,3 min manata yüksəlib.

Banklardakı depozitlər üzrə faiz gəlirləri isə təxminən 3 dəfə artaraq 5 milyon 690,2 min manatdan 16 milyon 928,8 min manata çatıb.

Eyni dövrdə bankın faiz xərcləri 69,7% artaraq 24 milyon 856 min manatdan 42 milyon 175,5 min manata yüksəlib.

Xüsusilə depozitlər üzrə faiz xərcləri 14 milyon 593,6 min manatdan 36 milyon 998,1 min manata çatıb. Bu, 153,5% artım deməkdir.

Faiz xərclərinin daha sürətlə artmasına baxmayaraq, bankın xalis faiz gəliri 30,5% artaraq 40 milyon 989,6 min manat olub.

Qeyri-faiz gəlirləri 20,5 milyon manatı keçib

Bankın qeyri-faiz gəlirləri 2026-cı ilin yanvar-sentyabr aylarında 20 milyon 514,3 min manat təşkil edib. Bu, əvvəlki ilin eyni dövründən 8,5% çoxdur.

Hesabların aparılması üzrə komissiya gəlirləri 6 milyon 900,2 min manat, digər xidmətlər üzrə komissiya gəlirləri 6 milyon 887,5 min manat olub.

Valyuta əməliyyatlarından xalis gəlir 4 milyon 943,3 min manata, təsərrüfat cəmiyyətlərində iştirakdan və reallaşdırılan qiymətli kağızlara investisiyalardan gəlir isə 1 milyon 460,9 min manata çatıb.

Bankın qeyri-faiz xərcləri 17,5% artaraq 24 milyon 783,7 min manat təşkil edib.

Bu xərclərin 11 milyon 186,5 min manatı əməkhaqqı və kompensasiyalara, 6 milyon 301 min manatı əsas vəsaitlərlə bağlı xərclərə, 3 milyon 751,6 min manatı xidmətlər üzrə komissiyalara, 3 milyon 544,5 min manatı isə digər xərclərə yönəldilib. 

Əməliyyat mənfəəti 25,6% artıb

“Ziraat Bank Azərbaycan”ın əməliyyat mənfəəti 2025-ci ilin 9 ayındakı 29 milyon 229,6 min manatdan 2026-cı ilin eyni dövründə 36 milyon 720,3 min manata yüksəlib.

Beləliklə, bankın əməliyyat mənfəəti 7 milyon 490,7 min manat və ya 25,6% artıb.

Lakin aktivlər üzrə mümkün zərərlərin ödənilməsi üçün xüsusi ehtiyatlara ayırmalar 77,2% artaraq 5 milyon 848,9 min manatdan 10 milyon 367 min manata çatıb.

Təkcə müştərilərə verilmiş kreditlər üzrə mümkün itkilər üçün ehtiyatlara ayırmalar 4 milyon 680,6 min manatdan 10 milyon 751,3 min manata yüksəlib.

Bu artım əməliyyat mənfəətinin xalis mənfəətə çevrilməsini məhdudlaşdıran əsas amillərdən biri olub.

Bankın mənfəət vergisi xərci 5 milyon 475,1 min manat, vergidən əvvəlki mənfəəti isə 26 milyon 432,8 min manat təşkil edib. Nəticədə xalis mənfəət 20 milyon 957,6 min manat olub. 

Aktivlər 1,6 milyard manatı keçib

2026-cı il sentyabrın 30-na “Ziraat Bank Azərbaycan”ın cəmi aktivləri 1 milyard 616 milyon 627,3 min manat təşkil edib.

2025-ci ilin sonunda bankın aktivləri 1 milyard 367 milyon 735,4 min manat idi.

Beləliklə, 9 ay ərzində aktivlər 248 milyon 891,9 min manat və ya 18,2% artıb.

Aktivlərin artımında əsas pay müştərilərə verilmiş kreditlərin və digər banklarda yerləşdirilən depozitlərin genişlənməsinə düşüb.

Banklar və digər maliyyə institutlarında yerləşdirilən depozitlərin həcmi 22,7% artaraq 461 milyon 468,2 min manata çatıb.

Mərkəzi Bankdakı müxbir hesabın qalığı isə 25 milyon 265,3 min manatdan 69 milyon 872,5 min manata yüksəlib.

Bunun əksinə, bankın qiymətli kağızlar portfeli 95 milyon 374,4 min manatdan 31 milyon 385,6 min manata düşüb. Bu, 67,1% azalma deməkdir. 

Kredit portfeli 182 milyon manatdan çox artıb

“Ziraat Bank Azərbaycan”ın müştərilərə verdiyi kreditlərin ümumi həcmi 2025-ci ilin sonundakı 766 milyon 855,5 min manatdan 2026-cı il sentyabrın 30-na 949 milyon 35,6 min manata yüksəlib.

Beləliklə, bankın ümumi kredit portfeli 182 milyon 180,2 min manat və ya 23,8% artıb.

Kreditlər üzrə mümkün zərərlərin ödənilməsi üçün məqsədli ehtiyatların həcmi isə 15 milyon 726,6 min manatdan 24 milyon 467,7 min manata çatıb.

Ehtiyatlar çıxıldıqdan sonra bankın xalis kredit portfeli 751 milyon 128,8 min manatdan 924 milyon 568 min manata yüksəlib. Artım 23,1% təşkil edib.

Bankın digər maliyyə institutlarına verdiyi kreditlər də 33 milyon 511,8 min manatdan 50 milyon 883 min manata yüksəlib. 

Depozit portfeli 28% artıb

2026-cı il sentyabrın 30-na bankın qeyri-bank müştərilərindən cəlb etdiyi depozitlərin həcmi 874 milyon 104,9 min manat olub.

Bu göstərici 2025-ci ilin sonundakı 682 milyon 701,8 min manatla müqayisədə 191 milyon 403,1 min manat və ya 28% çoxdur.

Depozitlərin strukturunda artım əsasən hüquqi şəxslərin vəsaitləri hesabına təmin olunub.

Hüquqi şəxslərin tələbli depozitləri 39,2% artaraq 312 milyon 706,2 min manatdan 435 milyon 241,7 min manata çatıb.

Hüquqi şəxslərin müddətli depozitləri isə 31,4% artaraq 233 milyon 921,4 min manat təşkil edib.

Fiziki şəxslərin müddətli depozitləri 12% artaraq 170 milyon 494,8 min manata yüksəlib.

Bununla yanaşı, fiziki şəxslərin tələbli depozitləri 13,3% azalaraq 34 milyon 447 min manata enib.

Ümumilikdə fiziki şəxslərin tələbli və müddətli depozitlərinin cəmi 204 milyon 941,9 min manat, hüquqi şəxslərin müvafiq depozitlərinin cəmi isə 669 milyon 163,1 min manat təşkil edib. 

Öhdəliklər 1,43 milyard manata çatıb

Bankın cəmi öhdəlikləri 2025-ci ilin sonundakı 1 milyard 207 milyon 66,4 min manatdan 2026-cı il sentyabrın 30-na 1 milyard 433 milyon 375,8 min manata yüksəlib. Beləliklə, öhdəliklər 226 milyon 309,5 min manat və ya 18,7% artıb.

Öhdəliklərin əsas hissəsini müştəri depozitləri və digər maliyyə institutlarından cəlb edilmiş vəsaitlər təşkil edib.

Bankların və digər maliyyə institutlarının depozitləri 408 milyon 322 min manat, digər maliyyə institutlarından alınan kreditlər isə 107 milyon 627,2 min manat olub.

Hesabat dövrünün sonunda bank tərəfindən buraxılmış qiymətli kağızlar üzrə 15 milyon manatlıq öhdəlik də qeydə alınıb. 2025-ci ilin sonunda bu göstərici sıfır idi. 

Kapital 183 milyon manatı ötüb

“Ziraat Bank Azərbaycan”ın balans kapitalı 2025-ci ilin sonundakı 160 milyon 669,1 min manatdan 2026-cı il sentyabrın 30-na 183 milyon 251,5 min manata yüksəlib. Artım 22 milyon 582,5 min manat və ya 14,1% təşkil edib.

Bankın nizamnamə kapitalı dəyişməyərək 65 milyon 500 min manat səviyyəsində qalıb.

Bölüşdürülməmiş xalis mənfəət 101 milyon 935,3 min manat, ümumi ehtiyatlar isə 15 milyon 816,2 min manat olub. 

Kapital adekvatlığı normativ tələblərdən yüksəkdir

Bankın kapital strukturu haqqında hesabatına görə, tutulmalardan sonra məcmu kapitalı 173 milyon 309,1 min manat təşkil edib.

Risk dərəcəsi üzrə ölçülmüş aktivlərin həcmi 1 milyard 225 milyon 402,1 min manat olub.

Bankın I dərəcəli kapital adekvatlığı əmsalı 11,32%, məcmu kapital adekvatlığı əmsalı 14,14%, leverec əmsalı isə 8,16% təşkil edib.

Bu göstəricilər hesabatda qeyd edilmiş normativ minimumlardan yüksəkdir.