Dünyanın ən bahalı dərmanı

“Zolgensma” dərman preparatının bir dozası 2.5 milyon dollara başa gəlir.

Böyük Britaniyanın Milli Səhiyyə Xidməti nadir genetik pozuntudan əziyyət çəkən körpələr və azyaşlı uşaqların müalicəsində həyati vacib əhəmiyyətə malik innovativ preparatın istifadəsinə yenicə icazə verib. Qurumun rəsmi açıqlamasında dərman vasitəsinin hazırda dünyada ən bahalı preparat olduğu bildirilib.

Marja xəbər verir ki, dərman vasitəsinin qurum tərəfindən təsdiqlənən qiyməti 1.79 milyon funt-sterlinq (2.48 milyon dollar) təşkil edir. Bu preparat nadir genetik xəstəlik – Onurğa Əzələlərinin Atrofiyası və iflicə tutulmuş körpələr və azyaşlı uşaqların müalicəsində innovativ terapiya üsulu kimi tətbiq edilir.

VTB-də yüksək depozit faizləri daha çox qazandırır

Onurğa Əzələlərinin Atrofiyası nadir yayılan və çox zaman ölümlə nəticələnən bir xəstəlikdir. Anadangəlmə bu xəstəliyə düçar olmuş körpələrdə iflic, əzələ zəifliyi və hərəkət qabiliyyətinin davamlı olaraq itməsi əsas əlamətlərdəndir. Atrofiyanın 1-ci dərəcəsi ilə doğulmuş uşaqlarda orta ömür müddəti cəmi iki ildir.

ABŞ-ın böyük əczaçılıq şirkəti Novartis tərəfindən istehsal olunan Zolgensma tədqiqatlarda özünü ən yaxşı tərəfdən göstərmişdir. Bu dərman vasitəsinin tətbiq edildiyi körpələr bir dozanın inyeksiyasından sonra süni tənəffüs aparatı olmadan nəfəs ala, özləri otura və iməkləyə bilir. Son tədqiqat məlumatları Zolgensma-nın azyaşlılarda mühərrik funksiyasını yerinə yetirdiyini, onlarda sürətli və dayanıqlı yaxşılaşmaya səbəb olduğunu və körpələrin ömrünü uzatdığını təsdiqləyir.

Böyük Britaniyanın Milli Səhiyyə Xidmətinin rəhbəri Simon Stevensin açıqlamasına görə, “bu xəstəlikdən əziyyət çəkən və xüsusi qayğıya ehtiyacı olan pasiyentlər dərman vasitəsini güzəştli qiymətə adi preparatlar kimi əldə edə bləcəklər, arada olan böyük qiymət fərqi isə büdcə vəsaitləri hesabına Milli Səhiyyə Xidməti tərəfindən istehsalçıya ödəniləcəkdir”. Lakin Stevens güzəştli qiyməti açıqlamayaraq, bunun konfidensial məlumat olduğunu bildirib.

Həmçinin oxu:

"Texnologiya nəhənglərindən 14 milyard dollarlıq sövdələşmələr"

"Asiyanın “mini Amazon”u səhm bazarına çıxır"

"Sənaye nəhəngi biznesinin bir hissəsini satır - 30 MİLYARD DOLLARLIQ SÖVDƏLƏŞMƏ"

"1 milyonluq əskinas!"

"Apple irimiqyaslı cərimələr ilə üz-üzə!"

"Pandemiya çatdırılma şirkətlərinin bazar dəyərini artırıb"

"Tükənməz dediyimiz təbii sərvət olan qum da sürətlə tükənir – qlobal tikinti sektorunu nə gözləyir?"