Pandemiya olmasına baxmayaraq "Carlsberg Azerbaijan"ın ötən il üzrə satış həcmləri 2019-cu il ilə müqayisədə 16% artmışdır.

Şirkətin yaydığı məlumata görə, ənənəvi ticarət kanallarında (kiçik mağazalar) satış həcminin artımı 20%, müasir ticarət kanallarında (şəbəkə mağazalarında) 58% təşkil etmişdir.

"COVID-19 virusunun yayılmasının qarşısının alınmasına yönəlmiş kafe və restoranların fəaliyyətinə məhdudiyyətlər tətbiq edildikdə şirkət diqqətini pivə bazarının nisbətən yeni kanalı olan DIOT kanalına (mağazalarda çəllək pivəsi) yönəltdi.  Süzmə avadanlığının böyük şəbəkə mağazalarında maksimum yerləşdirilməsi bu kanalda satış həcmində əhəmiyyətli bir artım əldə etməyə imkan verdi.  On-trade kanalında (kafe, restoranlar) satış həcmi qeyd olunan məhdudiyyətlər səbəbindən 43% azaldı",- Şirkətin məlumatında deyilir..

Şirkətin, demək olar ki, bütün brendləri üzrə satış həcmlərinin artımı müşahidə olnub: Xırdalan (+7%), Carlsberg (+180%), Kuler (+27%), Əfsanə (+122%).  

"Carlsberg pivəsinin satış həcmlərinin əhəmiyyətli dərəcədə artımı pərakəndə satış nöqtələrindəki kommunikasiya dəstəyi və promo-aktivliklərlə, Xırdalan pivəsinin satış həcmlərinin artımı Xirdalan Non-filtered (filtrasiya olunmamış) növünün banka qablaşdırmada istehsal olunması, Əfsanə pivəsinin isə satış göstəricilərinin artımı - dizaynın yenilənməsi və pivə xəttinin genişlənməsi ilə əlaqədardır. Ötən il ərzində mağazalara təqdim olunan yeniliklər artıq istehlakçılar tərəfindən sevilmişdir: zəngin dadı olan, yetişmiş albalının ətri və yüngül acılığı olan Baltika 9 Albalı və tərkibində təbii moruq şirəsi və vitaminlər olan alkoqolsuz pivə Baltika 0 Moruq.  Baltika brendinin bütün xətti yenilənmiş dizaynda istehlakçılara təqdim edildi",- məlumatda deyilir.

Qeyd edilib ki, son illər ərzində Carlsberg Azerbaijan qeyri-neft sektorunda Azərbaycanın ən böyük vergi ödəyicilərindən biri olmuşdur. Beləliklə, 2020-ci ildə Dövlət büdcəsinə vergi ödəmələrinin məbləği 35,7 milyon AZN təşkil edib ki, bu da 2019-cu il üçün vergi ödəmələrindən 47% çoxdur.

26 noyabr 2020-ci il tarixində AzərŞəkər şirkəti ilə Azərbaycanda pivəlik arpa becərilməsi üzrə tərəfdaşlıq çərçivəsində əməkdaşlıq haqqında memorandum imzalanmışdır. Xatırladaq ki, 2019-cu ildə pivəlik arpanın lokallaşdırılması məqsədi ilə Carlsberg Azerbaijan və AzərŞəkər Azərbaycanda pilot layihə başlatmışdırlar və layihənin uğurlu nəticəsi təşəbbüskarlara arpa lokallaşdırılmasının daha da miqyaslanmasını planlaşdırmağa imkan vermişdir. 2020-ci il Noyabr ayının ortalarında Şəmkir rayonunda 70 hektar ərazidə pivəlik arpa əkilmişdir ki, bu da Carlsberg Azerbaijan-ın 2021-ci ildə arpaya illik tələbatının 10% təmin edəcək və 2022-ci ilədək yerli arpa tədarükünü xeyli artıracaqdır.