“Azərbaycandan satlan “Head and Shoulders” başı keçəl edir”

Tanınmış prodüser Tarix Əliyev (Tolik) Azərbaycanda satılan məhsullara qarşı anti-reklama başlayıb.

“Marja”nın məlumatına görə, Tarix Əliyev “İnstagram”da minlərlə pərəstişkarının izlədiyi canlı yayım zamanı, Azərbaycanda satılan şampunların, çayların, şokoladların və kompotların keyfiyyətsiz olduğunu bildirib:

“Azərbaycandan “Head and Shoulders” daxil heç bir şambunu almayın. Rusiyadan, Türkiyədən, başqa bir ölkədən alın. Azərbaycanda satılan şampunlar başı keçəl edir. Türkiyədən aldığım “Head and Shoulders” ilə Bakıdan aldığım “Head and Shoulders” tamamilə fərqli-fərqli məhsullardır. Azərbaycanda satılan şampunların əksəriyyəti Sumqayıtda doldurulur”.

“ZİR-ZİBİLİ İÇİNƏ DOLDURUB “DOĞADAN” ADI İLƏ SATIRLAR”

Tarix Əliyev qeyd edib ki, özü Türkiyə istehsalı olan “Doğadan” çayının istifadəçisidir. Türkiyədən və Azərbaycandan aldığı “Doğadan” çayının qablaşdırılması, ətiri və keyfiyyəti bir-birindən tamamilə fərqlidir. O canlı yayımda Azərbaycandan və Türkiyədən aldığı  “Doğadan” çaylarını nümayiş etdirib. Çayın qutusu, paketinin ölçüsü, rənginin bir-birindən fərqləndiyi görülüb:

“Baxın, bu “Doğadan” çayını Türkiyədən almışam. Tamamilə fərqli bir şeydir. Bu “Doğadan” çayını isə Azərbaycandan almışam. Azərbaycanda çox baha satılır. Budur, açılmamış qutusu dağılır. Çünki Azərbaycanda hazırlanıb. Bu isə Türkiyədən gətirilib. Bunun qablaşdırılmasına baxın, Azərbaycanda satılanın qablaşdırmasına baxın. Türkyədən gələn necədə səliqəli və möhkəm bağlanıb. Bunun iyinə də durmaq olmur, Azərbaycanda satılandan isə iy gəlmir. Aralarında dünya qədər fərq var. Həm qutusunda, həm boyunda, həm ətirində. Bir sözlə, zir-zibili içinə doldurub “Doğadan” adı ilə satırlar. Bunları Allah öldürsün”.

“UCUZ OLSUN DEYƏ, KEYFİYYƏTİNİ AŞAĞI ETDİRİRLƏR”

Tolik qeyd edib ki, Moskvada satılan konfetlər ilə Azərbaycanda marketlərdə “Moskovskiy” adı ilə satılan şokoladlar da tamamilə fərqli məhsullardır:

“Azərbaycandakı idxalçılar Rusiyadakı istehsalçı ilə danışırlar ki, məhsulun keyfiyyətini aşağı edin. Nədir ki, ucuz olsun. Ay donuzlar, o dünyada cavab verəcəksiniz. Bu milləti aldadırsınız. Bizim supermarketlərdə satılan “Moskovskiy” şokolad ilə, Moskovadan alıb gətirdiyim şokoladlar arasında dünya qədər fərq var”.

“SƏN 1 MANAT 15 QƏPİYƏ SATDIĞIN KOMPOTDAN NECƏ QAZANIRSAN?”

Prodüser qeyd edib ki, yerli istehsalçılar Azərbaycan bazarı üçün keyfiyyətsiz, xarici bazar üçün isə keyfiyyətli məhsullar istehsal edirlər:

“Azərbaycanda Rusiyaya göndərilən çayların keyfiyyəti yüksək olur, Azərbaycanda satılanların keyfiyyəti isə az. Hər şeyin tərkibini azaldırlar ki, daha çox pul qazansınlar. Elə bil bunlar ölməyəcəklər.

Hətta mən deyim. Azərbaycanda satılan yerli kompotlar, Dubayda satılan bizim eyni kompotlardan zəifdir. Mən bir dəfə Dubaydan Azərbaycan istehsalı olan kompot aldım. Burdakı ilə oradan aldığımın arasında dad baxımından böyük fərq var. Dubayda aldığım daha dadlı və keyfiyyətli idi. Burada satdıqları kompot keyfiyyətszdir. Kompotu 1 manat 15 qəpiyə satırlar. Ay qardaş, sən 1 manat 15 qəpiyə kompotun içərisini doldurursan, şuşəsini və qapağını alırsan, kağızını vurursan, işçi pulunu verirsən, daşıyırsan və s... Sən bundan necə qazanırsan? Çox maraqlıdır. 1 litirlik kompot 1 manat 15 qəpiyə....İçərisinə meyvə də qoyublar. Məsələn, çiyələk kompotu. Çiyələyin kilosu 5-10 manatdır... Ürəyin kompot istəyir evdə hazırla. Başqa yol yoxdur”.

Tarix Əliyev əlavə edib ki, yerli istehsalçılar xaricdə baha satdıqlarından ixrac edəcəkləri məhsulları keyfiyyətli edirlər.