Le Pendən ilk açıqlama

Le Pendən ilk açıqlama

Fransada prezident seçkisinin ilk turunun nəticəsinə görə, ikinci tura qalmağı bacaran həddindən artıq sağçı Milli Cəbhə (FN) Partiyasının lideri Marina Le Pen, Fransız xalqını Prezident Sarayı Yeliseyə aparacaq ilk mərhələnin geridə qaldığını bildirib.

"Marja" xəbər verir ki, Le Pen, ilk nəticələrin açıqlanmasının ardından nəticələri qiymətləndirib.

Seçicilərinə təşəkkür edən Marina Le Pen, "Fransız xalqını Yeliseyə aparacaq ilk mərhələ keçilib. Bu bir dəfə ələ keçən bir imkandır. Vəhşi qloballaşma mədəniyyətimizi təhdid edir". deyib.

Bu nəticələrlə Fransız xalqının mədəniyyəti, müstəqilliyi və rifahının məsuliyyətini çiyinlərinə yükləndiyini və bunu qürurla daşıyacağını bildirən Le Pen, "Fransız xalqını azad etməyin və xalqın namizədinə səs verməyin vaxtıdır. Tənəzzül dövrünün sonunda indi milli birliyə dəvət edirəm. Bütün vətənpərvərləri, mənşəyi və mənəviyyata nə olursa olsun, Milli Cəbhə layihəsinin arxasında durmağa dəvət edirəm"- deyə bildirib.

Marina Le Pen, ikinci tur səsverməsinin də son dərəcə həyati əhəmiyyətə malik olduğunu qeyd edərək, "Ya əvvəlki kimi kütləvi köçlər, nizamsızlıq, terrorçuların sərbəst gəzdiyi kimi bir sistemin davamına, ya da mənliyimizi qoruyan sərhədləri bağlanmış və Avropa İttifaqından (Aİ) çıxmış bir Fransanın seçim ediləcəyini" ifadə edib.

Həddindən artıq sağçı lider həmçinin, özünün xalqın namizədi olduğunu qeyd edərək, rəqibi Emmanuel Macronun isə beynəlxalq lobbilərin və maliyyə dairələrinin dəstəyi ilə Fransa üçün bir fəlakət olacağını iddia edib.

İlk tur seçkinin rəsmi olmayan nəticələrinə görə 11 namizəddən heç biri seçilmək üçün lazım olan 50 faiz səsi toplaya bilməyib.

Buna görə ən çox səs alan ilk iki namizəd - Emmanuel Macron və Le Pen 2-nci tura qalmağı bacarıblar.

24.04.2017 10:14

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az