InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Beynəlxalq valyuta birjalarında Amerikanın əmək bazarında dair fundamental göstəricilərin müsbət açıqlanması, EUR/USD məzənnəsinin bahalaşma dalğasının zəifləməsinə səbəb olub. Lakin Almaniya və Avrozona iqtisadiyyatı göstəricilərinin daha güclü vəziyyətinin qorunması şəraitində avroya olan tələb daha da arta bilər.

EUR/USD məzənnəsi cümə günü 1.14$-da müqavimətlə rastlaşaraq ucuzlaşmağa başlayıb. Təhlillərə əsasən, hazırda 1.13$-a ticarət edilən məzənnə, 1.12$-ın üzərində qaldıqca, yenidən artım dalğasına davam edə bilər. 

GBP

İngiltərə iqtisadiyyatı göstəricilərinin Amerika ilə müqayisədə daha yaxşı vəziyyətdə olması, GBP/USD məzənnəsində də bahalaşmanın 1.30$-a kimi davam edəcəyini proqnozlaşdırmağa əsas verir.

Bununla yanaşı, İngiltərə höküməti ilə Avropa Birliyi arasında Breksit iqtisadi sazişi adanışıqları da investorların diqqət mərkəzindədir.

TRY

USD/TRY məzənnəsində ucuzlaşma dalğasının zəiflədiyi müşahidə edilir. Bu məzənnənin yenidən bahalaşa biləcəyi proqnozlarını artırsa da dollarda ucuzlaşma dalğası özünü burada da göstərə bilər. Təhlillərə əsasən, Dollar/Lirə məzənnəsi ucuzlaşaraq, 6.74TL-ni qırarsa, ucuzlaşma 6.68TL-yə kimi davam edə bilər.

OIL

“OPEC+” ölkələrinin neft hasilatının məhdudlaşdırılması qərarının iyul ayına kimi də uzadıldığına dair açıqlamaları, neft qiymətlərinin bahalaşmasına səbəb olub. Avropanın Brent neftinin bir barel qiyməti, 42$-ın üzərində qaldıqca, 48$-a kimi də dəyər qazana bilər.

Çərşənbə günü saat 18:30-da yayımlanacaq ABŞ-ın neft və benzin ehtiyatları ilə göstəricilər də treyderlərin diqqət mərkəzindədir.

GOLD

Qlobal iqtisadiyyatda canlanma gözləntiləri, əlvan metallar bazarlarında qızıla olan tələbin azalmasına səbəb olub. Beləliklə, bir unsiya üzrə qiymət 1707$-ın (56 $/qram) altında qaldıqca, 1646$-a (56.8 $/qram) kimi də dəyər itirə bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.