“Texnikabank”ın sabiq rəhbəri məhkəmədə Eldar Mahmudovla bağlı ifadə verib

Bu gün Bakı Hərbi Məhkəməsində ləğv edilmiş Milli Təhlükəsizlik Nazirliyinin (MTN) İstintaq Baş İdarəsinin İbtidai istintaq idarəsinin 2-ci şöbəsinin rəisi Vüsal Ələkbərovun cinayət işi üzrə məhkəmənin növbəti iclası keçirilib.
Siyavuş Hacıyevin sədrliyi ilə keçirilən prosesdə hakim bildirib ki, zərərçəkmişlərin müracətlərində MTN-in Baş İstintaq İdarəsinin sabiq rəisi Mövlam Şıxəliyev və “Texnikabank”ın sabiq rəhbəri Etibar Əliyevin təqsirkarlar kimi cinayət məsuliyyətinə cəlb edilməsinə göstəriş verilməsini xahiş ediblər.
Daha sonra təqsirləndirilən V.Ələkbərov barəsində seçilmiş həbs qətimkan tədbirinin alternativ cəza ilə əvəz edilməsi barədə vəsatət verib.
Vəsatət təmin edilməyib. V.Ələkbərov hakimlər kollegiyasına etiraz verilməsi barədə vəsatət vermək istəyib.
Hakim isə bildirib ki, prosesə şahid gəlib, onu dindirəndən sonra vəsatət verilə bilər. Təqsirləndirilən şəxs hakimlərə etirazını bildirib.
Müşavirə keçirən hakimlər kollegiyası etirazın əsaslı olmadığı nəticəsinə gəliblər və təmin edilməməsi barədə qərar qəbul ediblər.
Bundan sonra “Texnikabank”ın sabiq rəhbəri E.Əliyev ifadə verib. O, bu işdə zərərçəkmişlərdən V.Ələkbərovun rüşvət almasından xəbəri olmadığını söyləyib. E.Əliyev qeyd edib ki, zərərçəkmişlərin pulları banka qoyması, əmanət kitabçaları almaları barədə dedikləri də yalandır. O, zərərçəkmiş Hüseyn Səfərovu ittiham edib: “Bu şəxsin barəsində olan cinayət işinə xitam verilməsinin əleyhinəyəm. Onun barəsində yenidən cinayət işi başlanması üçün qərardad qəbul edilməsini, həmin qərardadın Baş Prokurorluğa göndərilməsini tələb edirəm”.
Bu zaman H.Səfərovla E.Əliyevin arasında mübahisə yaranıb. Hakimlər E.Əliyevə etirazlarını bildiriblər.
Daha sonra E.Əliyev sualları cavablandırıb. O, MTN-in sabiq rəisi Eldar Mahmudovla əlbir olması barədə səslənən fikirlərə münasibət bildirib: "Mən Eldar Mahmudovla necə əlbir ola bilərəm?! Mənim özümü də həbs etmişdilər”.
Məhkəmənin növbəti prosesi aprelin 7-nə təyin edilib.
Qeyd edək ki, Cinayət Məcəlləsinin 182.3.1, 182.3.2-ci (mütəşəkkil dəstə tərəfindən, külli miqdarda əmlak əldə etmək məqsədi ilə hədə-qorxu gəlmə), 294.3-cü (sübutları saxtalaşdırma, ağır və ya xüsusilə ağır cinayətlər haqqında cinayət işi üzrə sübutları saxtalaşdırma, habelə digər işlər üzrə sübutların saxtalaşdırılması ağır nəticələrə səbəb olma), 311.3.1, 311.3.2, 311.3.3, 311.3.4-cü (qabaqcadan əlbir olan bir qrup şəxs və ya mütəşəkkil dəstə tərəfindən, təkrar, külli miqdarda, hədə-qorxu tətbiq olunmaqla rüşvət alma), 341.2.1 və 341.2.3-cü (bir qrup şəxs tərəfindən, ağır nəticələrə səbəb olmaqla hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə) maddələri ilə ittiham edilir.
Həbsdə olan V.Ələkbərova məxsus olan və həyat yoldaşı Şəhla Ələkbərovanın adına rəsmiləşdirilmiş Səbail rayonu, Badamdar qəsəbəsi, 3-cü yaşayış massivində 0,18 ha torpaq sahəsi və fərdi yaşayış evi, Yasamal rayonu, Şərifzadə küçəsi, ev 164, mənzil 42 ünvanında yerləşən mənzilinə üzərinə həbs qoyulub. Üzərinə həbs qoyulan əmlakların ümumi dəyəri isə 1 milyon 277 min manat hesablanıb.
©Report
Müştərilərin xəbərləri
SON XƏBƏRLƏR
- 2 ay sonra
- 3 gün sonra
-
3 gün sonra
İnvestorlara illik 13% sabit gəlir təklifi - AFB Bank-da sərfəli fürsət
-
📲 İndi
Marja.az-ın Telegram kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm iqtisadi xəbərlər üçün Marja.az -
3 saat əvvəl
Bakcell lotereyasında ilk “Zeekr 001” qalibə təhvil verildi!
-
5 saat əvvəl
Çinlə rəqabətə baxmayaraq, Volkswagen Qrupunun 9 aylıq qlobal satışları 1,2% artıb
-
6 saat əvvəl
PashaPay “Bakı Fintex Forumu 2025”də platinum sponsor qismində iştirak edib
-
6 saat əvvəl
"Rusiya-Azərbaycan münasibətlərində böhran yaşandığını söyləmək olmaz, bu, emosiyaların böhranı idi"
-
6 saat əvvəl
BOKT "İdeal Kredit"ə illik 14 faizlə 1 milyon manat borca pul lazımdır - ƏTRAFLI ŞƏRTLƏR
-
7 saat əvvəl
Bakı Fond Birjasından "AFB BANK" istiqrazları barədə qərar - ŞƏRTLƏR
- 7 saat əvvəl
- 7 saat əvvəl
-
8 saat əvvəl
"FINCA Azerbaijan" 56 investordan 15 faizlə 3 milyon manat borc aldı
Son Xəbərlər

Ödənişsiz İnvestisiya Seminarı

Bakcell lotereyasında ilk “Zeekr 001” qalibə təhvil verildi!

"Rusiya-Azərbaycan münasibətlərində böhran yaşandığını söyləmək olmaz, bu, emosiyaların böhranı idi"

Bakı Fond Birjasından "AFB BANK" istiqrazları barədə qərar - ŞƏRTLƏR

Dolların bazar ertəsi üçün rəsmi məzənnəsi müəyyən olunub
Ən çox oxunanlar

Azərbaycan və Qazaxıstan arasında qolf körpüsü quruldu

"FINCA Azerbaijan" 56 investordan 15 faizlə 3 milyon manat borc aldı

Azərbaycanda orta maaş rəqəmi 10 faizə yaxın artıb
