3 şirkətdən 2,3 milyon manatlıq satınalma

3 şirkətdən 2,3 milyon manatlıq satınalma

3 şirkətdən 2,3 milyon manatlıq satınalma

Azərbaycan Qida Təhlükəsizliyi İnstitutu Publik Hüquqi Şəxsi 3 şirkətdən 2 milyon 256 min 209 manatlıq laboratoriyalar üçün reagent, reaktiv və diaqnostik dəstlər satın alıb.

VTB-də minimal faiz dərəcəsi ilə nağd kredit 10.49%-dən

“Marja” xəbər verir ki, bu barədə Publik Hüquqi Şəxsin Bildirişində deyilir.

“Azərbaycan Qida Təhlükəsizliyi İnstitutu Publik Hüquqi Şəxsin tender komissiyası bildirir ki, laboratoriyalar üçün reagent, reaktiv və diaqnostik dəstlərin satın alınması məqsədilə 2019-cu il aprelin 26-da keçirilmiş açıq tenderin predmeti iştirakçılar arasında bölüşdürülmüş və “Labservis LTD” MMC ilə 635 min 212 manat məbləğdə, “Medeks” MMC ilə 1 milyon 75 min 980 manat məbləğdə, “Sem-Az” MMC ilə 545 min 17 manat məbləğdə müvafiq satınalma müqaviləsi bağlanmışdır”.

Bunlardan başqa, Azərbaycan Qida Təhlükəsizliyi İnstitutu Publik Hüquqi Şəxsin tender komissiyası bildirir ki, 2-ci Beynəlxalq qida təhlükəsizliyi konfransının təşkili məqsədilə 2019-cu il mayın 3-də keçirilmiş kotirovka sorğusunda “Caspian Event Organisers” MMC qalib elan edilmiş və həmin təşkilatla 44 min 421 manat manat məbləğdə müvafiq satınalma müqaviləsi bağlanmışdır.

Həmçinin, Azərbaycan Respublikası Qida Təhlükəsizliyi Agentliyinin tender komissiyası bildirir ki, “Avtomatlaşdırılmış Qida Təhlükəsizliyi İnformasiya Sistemi - AQTİS” üçün əlavə modullarının hazırlanması, quraşdırılması və istismara verilməsi işlərinin satın alınması məqsədilə 2019-cu il aprelin 24-də keçirilmiş açıq tenderin yekun protokoluna uyğun olaraq “Caspel” MMC qalib elan edilmiş və həmin təşkilatla 131 min 466 manat məbləğdə müvafiq satınalma müqaviləsi bağlanmışdır

02.08.2019 06:24