Tramp: İrana qarşı sanksiyalar yaxın vaxtlarda artırılacaq

Tramp: İrana qarşı sanksiyalar yaxın vaxtlarda artırılacaq

ABŞ Prezidenti Donald Tramp, İranın uzun müddətdir gizli uran zənginləşdirməsi apardığını iddia edərək, yaxında sanksiyaların əhəmiyyətli dərəcədə artırılacağını bildirib.

"Marja" xəbər verir ki, Tramp, "Twitter"dən verdiyi açıqlamada İrana yüklənib.

İranın uzun müddətdir gizli uran zənginləşdirdiyini qeyd edən Tramp, bu vəziyyətin, keçmiş ABŞ Xarici İşlər Naziri Con Kerri və keçmiş Prezident Barak Obama rəhbərliyinin bağladığı 150 milyard dollarlıq "dəhşətli" müqaviləni tamamilə pozduğunu bildirib.

Tramp, bu müqavilənin qısa müddətdə qeyri-işlək olduğunu bildirərək, "(İrana qarşı) sanksiyalar yaxında artırılacaq, əhəmiyyətli dərəcədə!",- İfadəsini istifadə edib..

ABŞ və İran arasında uran gərginliyi

BMT Təhlükəsizlik Şurasının 5 daimi üzvü və Almaniya ilə İran arasında 2015-ci ildə imzalanan nüvə müqaviləsindən ABŞ rəhbərliyi 2018-ci ilin May ayında tək tərəfli çıxdıqdan sonra, İrana qarşı sanksiyaları yenidən həyata keçirməyə başlamışdır.

İran da 8 May 2019-da müqavilənin tərəflərinə maraqlarının qorunması çağırışını etmiş, əks təqdirdə müqavilə öhdəliklərini məhdudlaşdıracağını açıqlamışdı. İran rəhbərliyi, qısa müddət əvvəl də müqavilədə qeyd edilən uran zənginləşdirmə nisbətini aşdığını bildirmişdi.

ABŞ ilə İran arasındakı gərginlik davam edərkən son olaraq İran rəhbərliyi nüvə müqaviləsində yer alan zənginləşdirilmiş uran ehtiyat miqdarını keçəcəyini elan etmiş, ABŞ rəhbərliyi isə bu qərara sərt reaksiya göstərmişdi.

Iran has long been secretly “enriching,” in total violation of the terrible 150 Billion Dollar deal made by John Kerry and the Obama Administration. Remember, that deal was to expire in a short number of years. Sanctions will soon be increased, substantially!
— Donald J. Trump (@realDonaldTrump) 10 июля 2019 г.

11.07.2019 05:54

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az