Çinlilər Macarıstanda daşınmaz əmlak alırlar

Çinlilər Macarıstanda daşınmaz əmlak alırlar

Çinlilər Macarıstanda daşınmaz əmlak alırlar

Macarıstanın daşınmaz əmlak bazarının ekspertləri Çindən olan müştərilərin fəallığının son illər çox artdığını etiraf edirlər. Ölkənin bir sıra iri rieltor (daşınmaz əmlak alqı-satqısı) şirkətləri hətta məxsusi olaraq asiyalı müştərilər üçün ayrı-ayrı ofislər açmağa başlayıblar. Onların saytlarında isə Çin dilində səhifələr açılıb.

VTB-də yüksək depozit faizləri daha çox qazandırır

Bütün bunlar təsadüfi deyildir. Son illər Çin vətəndaşları Macarıstanın daşınmaz əmlak bazarında əcnəbi müştərilərin böyük əksəriyyətini təşkil edir.

“Technohaza” rieltor şirkətinin analitik departamentinin başçısı Timea Karoy müsahibəsində deyib: “Bunlar, əsas etibarilə, artıq çoxdan burada yaşayan çinlilərdir. Onlar Macarıstanda həm özləri üçün, həm də investisiya məqsədi ilə mənzillər alırlar. Çinlilər daşınmaz əmlak bazarının ən fəal iştirakçılarıdır”. Onun sözlərinə görə, çalışdığı firmada Çin dilində danışan əməkdaşlar, Çindən olan müştərilər üçün ixtisaslaşdırılmış ofis var. Sənədləşdirmə də Çin dilində aparılır.

O, daha sonra deyib: “Biz hətta Avropa İttifaqının vətəndaşlarını bir qrupda toplasaq belə, çinlilər onların hamısını qabaqlayar. Macarıstan Mərkəzi Statistika İdarəsinin son məlumatına görə, çinlilər 2016-cı ildən bu sahədə inamla liderlik edirlər. Ötən il onlar bir mənzilə orta hesabla 125 min 735 avro xərcləyiblər. Çinlilər əsas etibarilə bahalı mənzillər axtarır və nadir hallarda alver edirlər. Budapeştdə qiymətlərin bugünkü yüksək səviyyəsi nəzərə alınsa, çinliləri maraqlandıran qiymətlər diapazonu 153 min - 245 min avro arasında dəyişir”.

Daşınmaz əmlak bazarının eksperti əlavə edib ki, başqa ölkələrin nümayəndələri – ruslar, avstriyalılar, almanlar Balaton gölündə yay evləri bazarının fəal iştirakçıları olduğu halda, asiyalılar yalnız Budapeştin özündə mənzil axtarırlar.

TƏK ŞƏXSİYYƏT VƏSİQƏSİLƏ 15 DƏQİQƏYƏ KREDİT!

20.05.2019 15:04

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az