"Sabah sərgidə fermerlər üçün dron texnologiyasını ilk dəfə nümayiş etdirəcəyik”
Sabahdan başlayaraq mayın 17-nə qədər Bakı Ekspo Mərkəzində regionun ən genişmiqyaslı və ən çox ziyarət edilən sərgilərindən bir - 13-cü Azərbaycan Beynəlxalq Kənd Təsərrüfatı Sərgisi (“Caspian Agro 2019”) keçiriləcək.
Bununla bağlı keçirilən mətbuat konfrasında Kənd Təsərrüfatı Nazirliyinun nümayəndəsi Toğrul Qafarbəyli bildirib ki, sərgi “Made in Azerbaıjan” brendinin formalaşdırılması üçün böyük əhəmiyyət kəsb edir.
“Bu il sərgidə ilk dəfə milli pavilyonla təmsil olunacağıq. Ərazimiz 300 kvadratmetrdən çoxdur. Azərbaycanlı fermerlərin də istifadə edə biləcəyi dron texnologiyasını və mobil baytarlıq xidmətini ilk dəfə nümayiş etdirəcəyik”, - deyə o, qeyd edib.
“Caspian Agro”da nazirliyə məxsus “Dövlət Aqrar Ticarət Şirkəti” MMC də təmsil olunacaq. Qeyd edək ki, bu il şirkət Bakıda və regionlarda təxminən 10 yeni mağazasını açmağı planlaşdırır.
Sərgi çərçivəsində 3 innovativ layihənin, mobil laboratoriyanın da nümayişi nəzərdə tutulub.
TƏK ŞƏXSİYYƏT VƏSİQƏSİLƏ 15 DƏQİQƏYƏ KREDİT!
“Caspian Agro 2019” regionda kənd təsərrüfatı sahəsinin inkişafına, Azərbaycanın aqrar-sənaye kompleksində mütərəqqi texnologiyaların tətbiqinə, eləcə də təcrübə mübadiləsinə, yerli və xarici təsərrüfatçılar arasında qarşılıqlı faydalı işgüzar əlaqələrin gücləndirilməsinə kömək edir. Aralarında idxalçılar, ixracatçılar, distribyutorlar, topdan və pərakəndə satış müəssisələrinin nümayəndələri, habelə fermerlərin də yer aldığı sərgi iştirakçıları eksponent və ziyarətçilərlə görüşmək və öz məhsullarını əyani şəkildə nümayiş etdirmək üçün ideal fürsət əldə edəcəklər.
“Caspian Agro 2019”un ekspozisiyası Bakı Ekspo Mərkəzinin üç mərkəzi pavilyonunda, eləcə də mərkəzin açıq platformasında yerləşəcək. Bu il sərgidə dünyanın 31 ölkəsini təmsil edən 403 -dən artıq şirkət iştirak edəcək. Bu il iştirak edən ölkələrin sayında 10 %lik artım var. Azərbaycan, Belarus, Belçika, Almaniya, İtaliya, Mərakeş, Rusiya, İspaniya, Şri-Lanka, Türkiyə, Ukrayna, ABŞ, İsrail və digər ölkələri təmsil edən nümayəndələr suvarma sistemləri, istixana avadanlıqları, istixanalar, heyvandarlıq sahəsi üçün avadanlıqlar, heyvanlar üçün yemlər, toxumlar, kənd təsərrüfatı texnikası, baytarlıq preparatları, laboratoriya avadanlıqları və digər sektorlar üzrə bir çox yeni məhsullar təqdim edəcəklər. Gürcüstan və Niderland sərgidə milli stendlərlə çıxış edəcəklər. Həmçinin bu il Mərakeş sərgidə ilk dəfə çıxış edəcək.
Sərgi çərçivəsində “B2B” formatlı ikitərəfli işgüzar görüşlər keçiriləcək və bu görüşlər əsnasında sənaye mütəxəssisləri əməkdaşlıq yollarını müzakirə edə, yeni əlaqələr quraraq mövcud əlaqələri gücləndirə və həm sərginin qonaqları, həm də öz həmkarları olan iştirakçılar arasında tərəfdaş və müştərilər tapa biləcəklər. Hər il təşkilatçılar regionlardan gələn fermerlər üçün sərgi üzrə turlar təşkil edirlər və bu tədbir çərçivəsində fermerlər ən son sənaye yenilikləri ilə tanış ola bilirlər. Həmçinin sərgi çərçivəsində ilk dəfə olaraq “Fermer təsərrüfatının inkişafı və yüksək keyfiyyətli məhsulların verilməsi” mövzusunda treninq sessiyası keçirməyi planlaşdırırlar. Bu sessiyada fermerlər onları maraqlandıran suallarla mütəxəssislərə müraciət edərək öz təcrübələrini həmkarları ilə bölüşə biləcəklər. Sərginin ikinci günündə “EUROCHEM TRADING RUS” şirkətinin seminarının və “ICODS HILMER GMBH” şirkətinin təqdimatının keçirilməsi planlaşdırılır.
Sərgini Kənd Təsərrüfatı Nazirliyi ilə yanaşı, Azərbaycan Sahibkarlar (İşəgötürənlər) Təşkilatları Milli Konfederasiyası (ASK), İqtisadiyyat Nazirliyinin tabeliyindəki Azərbaycanda İxracatın və İnvestisiyaların Təşviqi Fondu, Kiçik və Orta Biznesin İnkişafı Agentliyi, BMT-nin Ərzaq və Kənd Təsərrüfatı Təşkilatı (FAO) dəstəkləyirlər. Sərginin təşkilatçısı “Caspian Event Organisers” şirkətidir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
6 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
6 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
7 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
8 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 8 saat əvvəl
- 8 saat əvvəl
-
8 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
8 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 11 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır






















