“Xəzər İnşaat XXI Əsr” şirkəti yaşayış komplekslərinin tikintisini ləngiməyə yol vermədən davam etdirir. Məqsəd bütün müştərilərə söz verilən vaxtda tikintini başa çatdırmaqdır. Tezliklə şirkətin yüzlərlə müştərisi yeni mənzilə köçmək sevincini yaşayacaqdır.

Hazırda “Xəzər İnşaat XXI Əsr” şirkəti Bakı şəhərində “Qara Qarayev” , “Memar Əcəmi” metroları yaxınlığında və Yeni Günəşli qəsəbəsi olmaqla 3 yaşayış kompleksinin tikintisini həyata keçirir.

16-CI MƏRTƏBƏSİ TİKİLİR

Şirkətdən “Marja”ya verilən məlumata görə, “Memar Əcəmi” layihəsində tikinti tam sürətlə davam edir və işlərin 75%-i görülüb. Artıq binanın 16-cı mərtəbəsi tikilir, 2017 -ci ilin avqust ayında mənzillər tam təmirli hazır olacaqdır.

İnşası 2016-cı ildə start götürmüş bu yaşayış kompleksi metronun Memar Əcəmi stansiyasının və “Moskva” univermağının yaxınlığında yerləşir. Tam hazır olduqda yaşayış kompleksi binası möhtəşəm fasadı ilə hər kəsi valeh edəcəkdir. Yaşayış kompleksinin ətrafında 2 orta məktəb, marketlər, tibb müəssisələri, onlarla restoran, kafe və şadlıq sarayları yerləşir.Qısası, hər şey bu kompleksdə yaşıyanların əli altında olacaqdır. Şirkət “Memar Əcəmi” layihəsində tam təmirli mənzilin 1 kv.m-ni 1680 manata təklif edir.

Əlavə edək ki, “Xəzər İnşaat XXI Əsr” şirkəti “Memar Əcəmi”də artıq yaşayış binalarından birini təhvil verib, hətta binanın kupçaları 1ay ərzində sakinlərinə təhvil veriləcək. Hazırda inşa edilən bina şirkətin həmin zonada yerləşən ikinci layihəsidir.

“YENİ GÜNƏŞLİ 2”DƏ 2 BİNANIN TİKİNTİSİ YEKUNLAŞIR

“Xəzər İnşaat XXI Əsr” şirkətinin digər iri yaşayış kompleksi layihəsi Yeni Günəşli qəsəbəsindədir. Şirkətin Yeni Günəşlidəki birinci layihəsi üzrə binalar 2016-cı ildə yaşayışa təhvil verilib. “Yeni Günəşli 1” layihəsi 4-ü 7 mərtəbəli, digər 4-ü isə 12 mərtəbəli binadan olmaqla cəmi 8 binadan ibarət yaşayış kompleksdir. Bu kompleks 3 ilə tikilərək təhvil verilib. Kompleksə aid binaların çıxarışlarının alınması yekunlaşmaq üzrədir. Hazırda inşası davam edən “Yeni Günəşli 2” layihəsi isə 9 binadan ibarətdir. Artıq 2016-cı ildə 1 bina yaşayışa təhvil verilib, 2 binada da təmir işləri yekunlaşmaq üzrədir. Layihəyə 2015-ci ilin sonunda start verilib. Əlavə edək ki, “Yeni Günəşli”də tam təmirli təhvil veriləcək mənzilin 1 kv.m-i 985 manatdan başlayan qiymətlər ilə təklif olunur.

“QARA QARAYEV” LAYİHƏSİNDƏ İKİNCİ BİNA BU AY HAZIR OLACAQ

“Xəzər İnşaat XXI Əsr”in 3-cü layihəsi “Qara Qarayev” metro stansiyası yaxınlığındadır. Artıq bir binasında yaşayış olan “Qara Qarayev” layihəsində də tikinti və təmir işləri sürətlə davam edir və layihə üzrə növbəti bina Mart ayının sonunda hazır olacaqdır.

“Qara Qarayev”də tam təmirli mənzilin 1 kv.m-i 1250 manatdan başlayan qiymətlər ilə təklif olunur. Layihənin Heydər Əliyev prospektinə və beynəlxalq hava limanına gedən yola yaxın olması binalara əlavə üstünlük verir. Bir sözlə, bu layihənin nəqliyyat problemi heç yoxdur.

TƏMİRLİ, “KUPÇA”LI MƏNZİLLƏR FAİZSİZ KREDİTLƏ

“Xəzər İnşaat”dan mənzil almış sakinlər Daşınmaz Əmlakın Dövlət Reyestrindən çıxarışla (kupça) təmin olunur. Tam təmirli və çıxarışlı mənzilləri faizsiz kreditlə əldə edə bilərsiniz. Kreditləşmə üçün tələb olunan sənəd sadəcə şəxsiyyət vəsiqəsidir.

Ətraflı: *6363

https://www.facebook.com/xazarinsaat/?fref=ts