Ermənistanda keçirilmiş erkən millət vəkili seçkisinin qalibi, müvəqqəti Baş nazir Nikol Paşinyanın başçılıq etdiyi "Mənim Addımım" ittifaqı olub. İttifaq səslərin 70,4%-ni alıb.
 

"Marja" xəbər verir ki, Ermənistan Mərkəzi Seçki Komissiyası, dünən keçirilən seçkinin rəsmi olmayan nəticələrini açıqlayıb. Məlumata görə, seçkidə 2,5 milyon seçicinin 48,6%-i səs verib.
 

Paşinyanın partiyasının rəhbərlik etdiyi "Mənim Addımım" ittifaqı səslərin 70,4%-ni alıb.
 

Ermənistan parlamentinə, Paşinyanın ittifaqı xaricində səddi aşan iki partiya girə bilib. Bunlar, 8,2 faiz səs alan iş adamı Qaqik Tsarukyanın rəhbərlik etdiyi Firavan Ermənistan Partiyası və 6,3 faiz ilə Edmon Marukyanın başçılıq etdiyi Parlaq Ermənistan Partiyasıdır. 
 

Daha əvvəl hakimiyyətdə olan sabiq Prezident Serj Sarkisyanın Respublikaçılar Partiyası 4,7 faiz, Daşnak partiyası isə 3,9 faiz səs alaraq parlamentə girə bilməyiblər. 
 

Ermənistanda alyanslar üçün 7 faiz, təkbaşına iştirak edən siyasi partiyalar üçün 5 faiz sədd mövcuddur. 
 

Seçkidə iştirak çox aşağı olub. Təxminən 2,5 milyon qeydiyyatlı erməni seçicinin 48,6%-i səs verib. Əvvəlki seçkidə bu nisbət 60 faiz olmuşdu.  
 

Ermənistanda 10 il prezidentlik edən Serj Sarkisyan konstitusiya dəyişikliyi edərək, baş nazir olaraq iqtidarını davam etdirmək istəyirdi. Buna etiraz edən on minlərlə insan aprel ayında mitinqlər keçirmişdi. Nəticədə Sarkisyan istefa etmiş, aksiyalara rəhbərlik edən Paşinyan baş nazir seçilmişdi.
 

Paşinyan, ölkədə tezliklə erkən seçkiyə gedilməsini istəyərək oktyabr ayında baş nazir vəzifəsindən istefa verib. Bundan sonra parlamentdə keçirilən iki səsvermədə baş nazir təyin olunmayıb. Sonra Dekabrın 9-da erkən seçki keçirilməsinə qərar verilib. Paşinyanın bu müddətdə müvəqqəti baş nazir kimi vəzifəsini icra edib.
 

Xalqın 5 il üçün seçdiyi millət vəkilləri qarşıdakı günlərdə parlamentdə keçiriləcək səsvermə ilə baş naziri təyin edəcəklər.