"İranda ixracdan əldə edilən 40 milyard dolların yarısı bazara girmir"

"İranda ixracdan əldə edilən 40 milyard dolların yarısı bazara girmir"

"İranda ixracdan əldə edilən 40 milyard dolların yarısı bazara girmir"

İran Prezidenti Həsən Ruhani, ölkəsinin neft xaric olmaqla 40 milyard dollarlıq məhsullar ixrac etdiyini, ancaq bunun 20 milyard dollarının bazara daxil olmadığını deyib.

"Marja" xəbər verir ki, Ruhani, paytaxt Tehranda, 1981-ci ildə sui-qəsdlə öldürülən sabiq İran Prezidenti Məhəmməd Əli Recainin anım mərasimində çıxış edib.

VTB-də minimal faiz dərəcəsi ilə nağd kredit 10.49%-dən

İranda baş verən iqtisadi problemin tamamilə ABŞ sanksiyalarından qaynaqlanmadığını qeyd edən Ruhani, qeyri-neft ixracdan əldə edilən 40 milyard dollardan 20 milyard dolların bazara daxil olmadığını bildirib.

İxrac məhsullarından əldə edilən gəliri bazara çıxarmayan şirkətlərdən bəzilərinin dövlət-özəl qurumları olduğunu bildirən Ruhani, bunun "dövlətə xəyanət" olduğunu və bu məsələdə etinasız olanların əvvəl vəzifələrindən azad ediləcəyini, sonra da haqlarında cinayət işi açılacağını bildirib.

Ruhani, hökumət olaraq e-dövlətə keçərək şəffaflıq təmin edəcəklərini dilə gətirib.

"ABŞ qılınc çəkməsəydi, bizim də başqa sözümüz olardı"

ABŞ-ın İrana qarşı iqtisadi və psixoloji bir müharibə başlatdığını qeyd edən Ruhani, "rəqabət və intiqam vaxtı" olmadığını bildirərək İranlı bütün tərəflərin birlikdə hərəkət etməsini istəyib.

ABŞ-ın iqtisadi sanksiyalar ilə xalqı küçəyə çıxararaq İranın təslim olmasını qarşısına məqsəd qoyduğunu bildirən Ruhani, danışıqlara dair də bu ifadələri işlədib:

"ABŞ bir tərəfdən müzakirə üçün müxtəlif kanallarla mesaj göndərir, digər tərəfdən də İran xalqına təzyiq göstərir. ABŞ dürüst isə və İran xalqının dostu isə niyə xalqa təzyiqi artırır? Əgər ABŞ qılınc çəkməsəydi, bizim də başqa bir sözümüz olardı. Amma bu gün müharibədəyik".

08.09.2018 11:53