Azərbaycanda Özbəkistan Ticarət Evi açılacaq
Azərbaycanda Özbəkistan Ticarət Evi açılacaq.
Bu barədə Özbəkistanın Azərbaycandakı səfiri Şerzod Fayziyev deyib.
Səfir bildirib ki, Ticarət Evinin açılması prioritet məsələdir və müvafiq qərar hazırda yekunlaşmaq mərhələsindədir:
"Daha çox perspektiv istiqamət kimi investisiya sahəsində əməkdaşlığa baxırıq. Qeyd etmək istərdim ki, Prezident Şavkat Mirziyayevin rəhbərliyi ilə Özbəkistan ölkəmizdə öz layihələrini reallaşdırmaqda maraqlı olan xarici investorlar üçün əlverişli işgüzar mühitin yaradılmasına xüsusi diqqət ayırır. Müasir mərhələdə Özbəkistanda biznesə başlamaq və sərmayə yatırmaq üçün ən əlverişli şərait yaranıb. Təkcə iqtisadiyyat sahəsinin liberallaşdırılması üzrə tədbirlərin görülməsini deyil, həmçinin ixtisaslaşma və Özbəkistan xalqının zəhmətsevərliyini nəzərdə tuturam".
Diplomatın sözlərinə görə, bu kontekstdə mühüm olan ölkədə 17 azad iqtisadi zona, həmçinin 47 sənaye zonasının mövcud olmasıdır ki, bu da müasir iqtisadiyyatın lokomotividir:
"Onların ərazilərində investorlar üçün ən əlverişli güzəştli şərait yaradılıb və tekstil, kimya, tikinti, mebel, qida, elektrotexnika və daxili və xarici bazarlarda tələbat olan digər məhsulların istehsalı təşkil edilib. Sevindiricidir ki, Özbəkistanda biznes fəaliyyəti göstərmək üçün formalaşmış şərait Azərbaycanın Özbəkistandan olan tərəfdaşları ilə qarşılıqlı faydalı əlaqələr qurmağa maraq göstərən işgüzar dairələrinin də diqqətini cəlb edib. Hazırda azərbaycanlı sahibkarlar kənd təsərrüfatı, inşaat, İKT, ərzaq və digər sahələrdə praktiki olaraq layihələrin həyata keçirilməsinə başlayıblar. İnanıram ki, bu tendensiya artacaq".
Ş.Fayziyev qeyd edib ki, Özbəkistanda Azərbaycan investisiyalı 80-dən çox müəssisə, o cümlədən 70-dən artıq birgə müəssisə var. Həmin müəssisələr ticarət, maşınqayırma, metal emalı, maliyyə, energetika, xidmət sektoru, qida və yüngül sənaye sahələrində fəaliyyət göstərirlər:
"Öz növbəsində, Azərbaycan ərazisində "Özbəkistan Hava Yolları" Milli Şirkətinin, Özbəkistanda "Ravon" brendi altında minik avtomobilləri istehsal edən "Uzavtosanoat" şirkətinin, həmçinin yüksək keyfiyyətli və rəqabətqabiliyyətli elektrotexnika məhsullarının istehsalında ixtisaslaşan "Artel" şirkətinin nümayəndəlikləri fəaliyyət göstərir. Lakin bütün bu sadalananlar ölkələrimizin potensialını əks etdirmir. Bununla əlaqədar olaraq, müxtəlif növ məhsulların buraxılmasına istiqamətlənmiş yeni birgə müəssisələrin yaradılması üzrə müəyyən iş aparırıq".
PULSUZ SEMİNARA QATIL, QAZANMAĞI ÖYRƏN!
© Trend
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
8 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
8 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
9 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 10 saat əvvəl
- 10 saat əvvəl
-
10 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
10 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 12 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır

























