Tarixdə ilk istehlakçı şikayəti məktubu

Tarixdə ilk istehlakçı şikayəti məktubu

Böyük Britaniyada muzeydə (British Museum) nümayiş etdirilən 3800 illik bir gil daşdan hazırlanmış sənədin, tarixdə məlum olan ilk istehlakçı şikayəti məktubu ola biləcəyi hesab olunur.

"Marja" xəbər verir ki, Şumerlər dövründən qalma sənəddə, bir mis tacirinin, ona pis keyfiyyətdə cövhər (külçə mis) göndərən başqa bir tacirdən giley edir.

Mütəxəssislər, məktubun yazılmasına sərf edilən zamanın müştərinin ədalətsizliyə etirazını və hirsinin dərəcəsini əks etdirdiyini deyirlər. Qədimdə gildən hazırlanmış daş üzərinə yazı həkk etmək çətin iş sayılırdı.

11.6 santimetr uzunluqda və 2.6 santimetr qalınlığındakı daş sənəd İraqın cənubundakı antik Ur (Bugünkü adı ilə Tel əl Mukayyer) şəhərində tapılmışdır.

Akad dilində yazılan məktubun Çikaqo Universiteti tərəfindən edilən tərcüməsi sosial media saytı "Reddit"də dərc olunub.

"PİS MALI RƏDD ETMƏK HAQQIMI İSTİFADƏ EDƏCƏYƏM"

Məktubda, Nanni adlı ticarətçi topdansatıcı ticarətçi Ea-Nasir-ə qısaca belə deyir:

"Mənim yanıma gələndə yaxşı keyfiyyətdə külçələr verəcəyini demişdiniz. Amma sözünə əməl etmədin. Qasidim Sit-Sin-ə pis külçələr verib, "Almaq istəyirsənsə al, almayacaqsan çıx get" deyib geri göndərmisən.

Mənim kimi birinə necə bu qədər hörmətsiz hərəkət etmisən? Sən məni nə hesab edirsən? Daha əvvəl sənə bizim kimi bəy qasidlərlə bir neçə dəfə pul göndərdim. Amma sən onları əliboş halda, həm də düşmən torpaqlarından geri göndərdin. Qasidə hörmətsizlik etdin.

Pulumun hamısını geri istəyirəm. Onu bil ki, bundan sonra səndən pis keyfiyyətli mis almayacağam.

Külçələri öz iş yerimdə tək-tək mən seçəcəyəm. Pis malı rədd etmək haqqımı istifadə edəcəyəm".