Türkiyə Prezidenti Rəcəb Tayyib Ərdoğan, rahib Brunson böhranının ardından ABŞ-ın Türkiyənin daxili işlər naziri Süleyman Soylu və ədliyyə naziri Əbdülhəmid Gülün ABŞ-dakı əmlaklarının dondurulması qərarına qarşı cavab verəcəklərini deyib. 

Ərdoğan, ABŞ-ın daxili işlər və ədliyyə nazirlərinin Türkiyədəki əmlaklarını donduracaqlarını açıqlayıb.

"Amerika nazirlərimizə sanksiya tətbiq etməklə Türkiyəyə qarşı ciddi hörmətsizlik edib" deyən Ərdoğan, ABŞ-ın iki nazirinə qarşı sanksiya tətbiq edərək cavab verəcəklərini bildirib. "Hər zaman qazan-qazan prinsipinin tərəfdarıyıq" - deyən Ərdoğan, diplomatiya kanallarının açıq olduğunu da vurğulayıb. 

ONLAYN MÜRACİƏTLƏ 1 İŞ GÜNÜNƏ MANAT KREDİTLƏRİ

"Amerikanın, xüsusilə İzmirdəki rahib Brunson ilə bağlı atdığı addım strateji tərəfdaşlığa yaraşmayacaq addımdır. Amerika bu addımla Türkiyəyə qarşı ciddi hörmətsizlik etmişdir. 6 dəfə Amerikaya girib çıxan "Xalq Bank"ımızın Baş direktor müavinini həbs etmək vasitəsilə bizimlə bir mübadiləyə girmək niyyətindədirlər. Səmimi hərəkət etməliyik, strateji tərəfdaşlığın tələblərini yerinə yetirməliyik. Biz xarici siyasətimizi heç bir zaman yalanlar üzərində qurmamışıq, hər zaman dik dayandıq. Bu gün göstərişi verirəm, Amerikanın ədliyyə və daxili işlər nazirlərinin Türkiyədəki əmlakları dondurulsun",- Türkiyə Prezidenti deyib.

"BU CÜR TƏZYİQLƏRƏ HEÇ VAXT BOYUN ƏYMƏMİŞİK"

 
"Təkrar edirəm, təhdid dili ilə və sanksiya qərarı ilə geri addım atacağımızı güman edənlər bu ölkəni də, bu milləti də heç tanımamış deməkdir. Bizi Amerika sisteminin incəliklərini bilməməkdə günahlandıranların bu ölkənin tarixindən və millətindən bixəbər olduqları görünür. Bu cür təzyiqlərə heç vaxt boyun əyməmişik",- Ərdoğan deyib.

ABŞ, rahib Endryu Brunsonun Türkiyədəki məhkəməsi səbəbindən Türkiyənin daxili işlər naziri Süleyman Soylu və ədliyyə naziri Əbdülhəmid Gülə sanksiya tətbiq etmək qərarı verib.Sanksiyalar çərçivəsində, iki nazirin ABŞ-dakı əmlakları və əmlaklarından əldə edəcəkləri faiz gəlirləri dondurulub və ABŞ vətəndaşlarının nazirlərlə hər hansı bir iş və əməliyyat keçirməsi qadağan olunub.

Sanksiya qərarını ilk olaraq Ağ Evin sözçüsü Sarah Sanders açıqlamışdı.
 

Sanders, "ABŞ Prezidentinin göstərişi əsasında ABŞ-ın Xəzinə Nazirliyi, ikisi də Brunsonın həbs olunmasında mühüm rol oynayan daxili işlər və ədliyyə nazirlərinə sanksiya tətbiq edir" açıqlamasını vermişdi.
 

Sanders, "Brunsonın hər hansı bir cinayət törətdiyinə dair bir dəlil olmadığını və onun Türkiyı hökumətinin ədalətsiz həbsinin qurbanı olduğunu" bildirib.