"İddialar tamamilə əsassızdır" - Gömrükdən AÇIQLAMA
İyulun 22-də sosial şəbəkələrdə Türkiyə Respublikasının vətəndaşı Davud Tonyalı adlı şəxsə istinadən Azərbaycan gömrük orqanlarına qarşı əsassız iddiaların yer aldığı video yayımlanıb.
64 yaşı olduğunu bildirən həmin şəxs Azərbaycan gömrüyündə problemlərlə qarşılaşdığını və ondan qanunsuz vəsait tələb olunduğunu iddia edir.
Dövlət Gömrük Komitəsindən verilən məlumata görə, həmin videoda irəli sürülən iddialar tamamilə əsassızdır və gömrük orqanlarının fəaliyyətinə kölgə salmaq məqsədilə qərəzli şəkildə yayımlanıb: "Videoda irəli sürülən iddialar hər hansı fakta söykənmir. Üstəlik, vaxtı, tarixi, məkanı və kim tərəfindən qeydə alındığı məlum olmayan məlumatı verən mənbənin etibarlılığı da şübhə doğurur. Ölkəmizə səyahət edib-etmədiyinə, gömrük və ya digər dövlət orqanlarında, iddia olunduğu kimi, haqsızlıqlarla qarşılaşdığına dair faktlar olmadığı halda, hər hansı bir şəxsin dövlətin strateji qurumlarından biri haqqında əsassız iddialarını yayımlamaq ya naşılıq, ya da qərəzdir.
Lakin Dövlət Gömrük Komitəsinin sözügedən şəxsin videodakı ad və soyadına əsaslanaraq, Vahid Avtomatlaşdırılmış İdarəetmə Sistemi vasitəsilə apardığı araşdırmalar nəticəsində məlum olub ki, 1955-ci il təvəllüdlü Davud Tonyalı sonuncu dəfə 2008-ci ildə Azərbaycan Respublikasına səyahət edib. Araşdırma zamanı həmin şəxsin gömrük orqanlarından narazılığına dair hər hansı fakt aşkar edilməyib.
10 il əvvəl ölkəyə gələn şəxsin iddialarının doğruluğuna inanmaq üçün isə, Anadoludakı el məsəlində də deyildiyi kimi, “min nəfər şahid” lazımdır.
Azərbaycan gömrüyünün inkişafı göz önündədir. Dünyanın ən qabaqcıl təcrübələrindən faydalanan Azərbaycan gömrüyü artıq “bir pəncərə”, “yaşıl dəhliz”, “elektron bəyannamə” və digər mütərəqqi tətbiq və sistemləri qısa zaman kəsiyində həyata keçirib. Ümumdünya Gömrük Təşkilatı tərəfindən Azərbaycan gömrüyünün təcrübəsi bir çox ölkələrə tövsiyə edilir. Ölkəmizin sürətlə dünyanın nəqliyyat və logistika mərkəzinə çevrilməsində gömrük orqanlarının fəaliyyəti danılmazdır.
Lakin, istər dövlət, istərsə də onun strateji qurumlarından biri olan gömrük orqanlarının həyata keçirdiyi irimiqyaslı layihələri görməzdən gələrək, bu qəbildən əsassız məlumatların ictimailəşdirilməsi yalnız qərəzli xarakter daşıyır".
Dövlət Gömrük Komitəsi bir daha Komitənin və onun əməkdaşlarının fəaliyyətilə bağlı məlumatları yayımlayarkən, qarşı tərəfin də rəsmi mövqeyini öyrənməyi tövsiyə edir.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
7 saat əvvəl
Sahibkarlar Həftəsində Yapı Kredi Bank Azərbaycandan biznes müştərilərinə xüsusi fürsətlər ®
-
7 saat əvvəl
"Qüvvələrimizi birləşdirərək yeni bazarlara çıxa, birgə layihələr həyata keçirə bilərik"
-
8 saat əvvəl
“Hermes” lizinqdən sonra kredit bazarına daxil olur – Yeni BOKT lisenziya aldı
-
9 saat əvvəl
OBA müharibə veteranlarının məşğulluğuna verdiyi töhfəyə görə təltif olunub
- 9 saat əvvəl
- 9 saat əvvəl
-
9 saat əvvəl
Bakıda “Türk dünyası – 2026” beynəlxalq idman rəqsləri müsabiqəsi keçirilib
-
9 saat əvvəl
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
- 12 saat əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Dolların sabah üçün rəsmi məzənnəsi müəyyən olunub
Prezident İlham Əliyev Vyetnamda rəsmi səfərdədir
Ən çox oxunanlar
Ağdam Sənaye Parkında yeni şirkət: 22 milyon manatlıq layihə - lift və eskalator istehsal olunacaq
Bank olmayan kredit təşkilatına lisenziya verilib
Vergi yoxlamaları riskə görə aparılacaq – Dövlət Vergi Xidməti yeni mexanizm hazırlayır


























